Gustaw Kres Linte külläst rendi perremees kaibos kohto een, et hobbese waht om temmä warsa kabla otsa pandno ja om ümber laskno josta, ni et temmä ärrä om wässino ja nüüd peb se täk wars ärrä ollema rikkoto.

Hobbese waht Writz Kirrutmani käest sai küssitu üttel temmä, et temmä ei olle kindi wõtno, temmä omma sullane om kindi wõtno poisikestega ja om tahtno kammitsas panda om Hobbese waht Writz kabla otsast kindi piddäno seddä warsa, siis om wars josno kabla otsan ümber ja kui Hobbese waht omma ohhelikko kabla otsast ärrä om wõtno siis om wars mõtsa ärrä josno.

Teine Hobbese waht Jaan Simulmann tunnistas et temmä ei olle middägi nänno, helli om kulu, ja selle päle om temmä kulu et halwale lät se assi siis om Writz warsa wallele laskno.

Gustaw Lüidman höidse pois tunnistas et Writz Kirrutman om laskno josta ohhelikko otsan warsa ümber josta weidikesse aigo.

Michel Häidkind höidse pois tunnistas et temmä ei olle nänno middägi muud kui poisikessed om kamitsas länno pandma

Senka Samailow tunnistas nänno kui wars om josno kabla otsan ümber;

Writz Kirrutman üttel, et temmä om ütsindä kabla otsast kindi piddäno ja perräst om puhmo külgi kindi piddäno

Gustaw Kressi nõudminne om selle Warsa ümber ajamisse eest 20 Rubla

Kohhus mõistis, et Hobbese waht Writz Kirrutman peab 15 witsa lögiga trahwitus sama ehk masko 3 Rubla waeste ladikus .

§773 om ette kulutedo

Writz sai witsuga trahwito.

Gustaw Kress pallel prottokoli