Lisu Pärmann kaibas kohto een, et Soldat kohtomaja kassak Writs Parmson om 1871 keskmisse Suwwise pühhi päiw (temmäle) kirriko moisa ajamanno tee pääl temmäle perrä tulno körtsi poolt kohto maja pole, päle kirriko, ja om temmä ümbert kindi wõtnoja om üttelno et tulle minno pole ja wõtta, welle Saapad ärrä, ütten om ka weel olno Lina Küitson. Ja sis kui nemmäd kohto maija Writsi tarre om lännowa sis om teide tüdruk Lina Küitson ärrä länno, ja teddä ei olle Writs ärrä lasno, ja om usse eest kindi pandno, ja om sängi Lisu Kärtmani pandno, ja om issi päle länno, ja om üttelno ärrä tännitä, ja sis ollewad Writz teddä ärrä narno, ja temmäl om 20 Webroaril 1872 aastal tüttär sündino, selle Writsigä kokko ellämisse perräst. Ja Writz ei ollewad temmäle middägi masno. Lisu Pärtmann nõuwap lapse ülles piddamisse tarbis Writsi käest 60 rubla.

Soldat Writz Parmsoni käest sai küssitu, üttel temmä, et temmä ei olle mitte temmägä elläno, ja eggä ei olle temmägä mitte sängin olno, ja ei ütle sest middägi teedwä, ja ei pea selle lapsega middägi teggemist ollema, ja ütleb et Lisu om petno. Tarren ollekid, ei ütle Writz mälletäwä

Lina Küitsoni tunnistusse perräst jääs polele.