Olli ette tallitedu Mõtsawahhi Jaan Uibo kaibuse, ja Tannil naine Sohwi Haak wälja ütlemisse perra, ni kui Protokoll № 47. sest 25ast Junist s:a: naitap, Wannast Pigastest Kusta tüttar Matli Hüwwa ja Tanil Kärner, sai üllewal nimmetedu Protokolli kaibus ette loetus, haina poimamisse perrast, kes koggoniste ärra salgas, temma ei ollewa ollnu ei teedwat ka sest asjast middagi. 

Sai weel Mõtsawahhi J. Uibo, ni kui Sohwi Haak käest kohto poolt küssitus, kas woite tõttega tunistada, et se, sesamma tütrik om, kos mõllemba ütliwa tõttest, se om tosamma.  

Otsus  Kohhus moistis, et om julgenu wõõra keeletu Mõtsa minna haina poimama ja päälegi om wõltsinu, ja wõõra nimme ülles andnu, massap 1 1/2 rubla waeste Lati, trahwi, 1. rubla Mõtsawahhil kinniwõtmisse est, ja 50. kop. kahjotassomist mes 8 1/2 päiwa sissen peap ärra massetu ollema.  

Sai kohtomoistminne ja § 772. nink 773. kohton käijatelle ette loetus, nink lätsiwa rahhun wälja.  Ent wimate tulli  Matli Hüwwa  weel kohto ette ja tunistas ärra, et temma ollewa küll olnu, ja teiste nouandmisse pääle ollewa salganu, ja pallel trahwi wähhendada , mes kohhus es lubba tetta. 

                                                   (Allkirri)