Tulli ette Karraskij moisast rentniko essa Jaan Sirach, ja kaibas temma lännu poja kässu pääle talli mannu, selle pääle tulnu Jaan Kõrw ka sinna (nink ollnu J. Kõrw jaggo hobbest, ei tija mes tallitusse asjan teise kätte saanu) selle pääle nakkanu Jaan Kõrw wanna Sirach´it soimama, tunnistada woiwat Peter Tokk. -

Kutsuti ette Jaan Kõrw sai kaibus ette loetus, kes ärra salgas temma ei ollewat soimanu. -

Kutsuti ette tunnistaja Peter Tokk, ja sai küssitus soimamisse perrast, kes ütles et, teise ollewat Jaan Kõrw jaggo hobbest ette pandnu, selle pääle üttelnu Jaan Kõrw wanna Sirach´il kuis sinna kurrat tohhit minno jaggo hobbest teisel ette panda laske, nink üttelnu weel  mes sinna kurrat kiusat minnoga selle pääle olnu wanna J. Sirach koggoni waike, es ütle muud, kui mehhe teije kuulete, ennamb minna ei tija üttelda. -

Otsus  Kohhus moistis, selle et tunnistusse perra om soimanu, massap Jaan Kõrw 1. rubla waeste laati trahwi mes 8 1/2 päiwa sissen peap ärra massetu ollema, nink weel se kõwwa käsk antus kohto poolt, et ei tohhi soimata ei ka lärmitseda n ink selle kässuga ärra lastus.  Sai kohtomoistminne ja § 772. nink 773. kohtonkaujattel ette loetus. - ent selle pääle ütles J. Kõrw minnol om ka tunistaja agga kohhus es wõtta ennamb wasta, mes perrast ennembi es ütle, ehk es anna ülles. - Nink lätsiwa rahhun wälja. -

                                                                                 (Allkirri)