Peter Moistus Põlgastest tulli kohtu ette ja kaibas et temmal olla Peter Lehtre käest 6 Rbl rahha saada, kes sedda mitte ärra ei massa selle ütlemisega et Peter Moistus olla temmale kahjo teinud ja P.M. olla 2 aastat ootnut.

Peter Lehter ütlep et temma selleperrast ei olle masnut, et P. Moistus es olla mitte termini piddanu maja käest andmise manu, es ollewat 2 wakkala ristikhainu külwnud, mes olla leppitu, ja mõtsa olla tükki ärra raggonu ilma lubbata. Olla enne aigu majast ärra lännu ja maja tühjas jätnu, mis läbbi temma olla kahjo sanot.

Peter Moistus ütlep et temma middagi mõtsa egga wõssa ilma lubbata ei olla raggonu, ja wõssu raggomise lubba olla temma Peter Lehtre käest küssinu ja P. Lehter olla ka lubbanu

Gusta Org tunnistap: et temma neist asjost muud middagi ei teedwat, kui et Peter Lehteril jänut Peter Moistusele 6 Rbl massa.

Kohhus Moistse:

Et Peter Lehter peap Peeter Moistusele se 6 Rbl kätte masma, ent Peeter Moistus peap Walla waeste ladikehe 1 Rbl trahwi masma selleperrast et temma ilma ütlemata ja enne aigu majast ärra om lännu.

Moistmine ja § 773 sai kohtun käüjile ette loetus kon Peter Lehter kuulut et temma sdelle moistmisega rahhul es olle ja palles protokolli wälja mes temmale ka anda lubbati.

Jürri Kramp xxx

MIhkel Soldan xxx

Gusta Rutsep xxx

Kirjotaja: AHallop [allkiri]