Tulli ette Leesmitti Johan Seeme rentnik Jakob Astel, ja kaibas et Johan Seeme pooleterramees, Adam Kroon weddanu minnewa aasta, sitta ülle temma heinamaa, nink temma nõüdnu omma kahjo jobba tollkõrral, kos J: Seeme temmal üttelnu, küll me tassome sinno kahjo ärra, ent ei olle täämba päiwani weel mitte ärra tassotu, ja nõüdis omma kahjo 10. punda haino. -

Kutsuti ette Johan Seeme sai kaibus ette loetus, kes ka es salga, enge uttel too hainamaa ei olle suuremb assi, säält ei sa ki 10. punda ülle kige. -

Otsus   Kohhus moistis, et Johan Seeme, peap Jakob Astel´il 5. punda haina kahjo tassomist masma, mes 8 1/2 päiwa sissen ärra massetu peap ollema. Sai kohto moistminne ette loetus nink ni jaiwa rahhul ja lätsiwa wälja. -

                                                                                      (Allkirri)