Räppinä moisa wallitsusse polest kaibati et Raigla külläst rendi ma perremees Kristjan Punnisson om Liski tallo 1 1/6 wakka alla röä nurme küllimatta jätno ja 2 wakka 1/4 alla om halwaste röggä nurme külweto.

Kristian Punnissoni käest sai küssitu üttel temmä et selle perräst ei olle se 1 1/6 wak röäd mitte küllida wõino selle perräst et sääl om kartowled pääl olno ni kui kige külläl. Ja 2 1/4 wakka alla peab ni samma halwaste kui kigel külläl kassono ollema külweto ei pea mitte halwaste ollema.

Wastne Rentnik Paap Kiudowi nöudminne om külwmatta röä eest 2 semend ja halwaste külweto röä eest 5 semend ja põhk taggasi.

2 körd ülle kaeman om käino Pä kohtomees Jaan Holsting kohtomees Jakob Türkson, kohtomees Paap Kress, nink Wöölmünder Ado Waldson Orrast ei olle kewwäjä ja röggä ei olle nüüd ka kassono olno.

Kohhus mõistis, et Kristian Punnisson peab 1 1/6 wakka alla ilma küllimatta röä eest 2 semet masma ja halwaste külweto röä eest 2 1/4 wakka eest peab Kristian Punnisson 3 semet masma ja se põhk mis põllo pääl ehk om Paap Kiudowil jääp. Kokko 10 14/24 wakka röäd mis Kristian Punnisson Paap Kiudowil peab masma.

§773 om ette kulutedo

Mõllemba pallusiwa prottokoli.