Räppinä moisa wallitsusse polest kaibati et Raigla külläst rendimaa perremees Wido Punnisson om Liski tallo 1 1/6 wakka alla röä nurme küllimatta jätno.

Ja 3 wakka alla om halwaste röggä külweto

Wido Punnissoni käest sai küssitu üttel temmä et selle perräst ei olle se 1 1/6 wakka röäd mitte küllidä wõino, selle perräst, et sääl om kartowled pääl olno, ni kui kige külläl.

Ja 3 wakka halwa röäd, üttel tetto ni samma kui muil olno.

2 körd ülle kaeman om käinowa Päkohtomees Jaan Holsting, kohtomees Jakob Türkson, kohtomees Paap Kress, nink Wöölmünder Ado Waldson.

Orrast ei olle kewwäjä ja röggä ei olle nüüd päle kassono.

Wastne rentnik Paap Kiudowi nõudminne om ilma küllimatta röä eest 2 Semet ja halwaste külweto röä eest 5 semet ja põhk taggasi.

Kohhus mõistis et Wido Punnisson peab ilma küllimatta röä eest 2 semet ja halwaste külweto röä eest 3 semet masma, ja põhk mis sääl põllo pääl om kassono jääp ka Paap Kiudowil.

Kokko peab Wido Punnisson Paap Kiudowile masma 13 wakka ja 2 karnist röäd.

§773 om ette kulutedo.

Mõllemba pallusiwad prottokoli.