Ette tulli Johan Udras ja kaibas, et Jakob Mõõk Laswa wallast oma karjal tema herne ära söötnu, tema nõudwat kahjo tasomist 6 Rbl. ja poodmise raha 1 Rbl. Kokko 7 Rbl.

Wastut kaibuse pääle Jakob Mõõk Laswalt, et tema karjuse ütlemise perra tema kari Johan Udrase hernen ei ollew olnu.

Kohtumees Peter Sillaots kes kahjo üle kaenu, üttel, et hernet söödu ei ollew nätta olnu, elaja jälgi olnu kül herne pääl nätta. Jakob Mõõk ja Johan Udras olnu henne wahel ära lepnu, seda wiisi, et Jakob Mõõk weap Johan Udrasele ütte päiwa sitta ehk massap ütte Rbl. raha.

Nema es lepi.

Otsus:

Jakob Mõõk peap Johan Udrasele 1 Rbl. kahjo tasumist masma 2 nädali aja sisen a dato, sest et neil henne wahel ütte Rbl. pääle kokko olnu lepitu.

See kohtu otsus sai kohtun käüjile kuulutedus prg. 773 ja 774 Sääduse raamatust 1860 aastast ara selletedus.

Johan Udras nõwwap Appellationi.

Pääkohtumees: J. Kabist [allkiri]

Kohtumees: P. Sillaots [allkiri]

     "                P. Klais [allkiri]

Jakob Mõõk Joh. Udrassele 1 Rbl. ära masnu. Appellation Johan Udrassele 21. Julil 1887 wälja antu.