Kohtu een kaibas Jürri Herne: Et temmal olla Jaan Weitze käest 5 Rbl. saada, mes jobba 4 aasta eest om temma Jaan Weitze poja Peetri käest Tartu liinan Kommisjoni eddetarren nõudnu ja Jaan Weitz olla üttelnu, et sedda tahha minna sinnole kotton wälja massa, ja Kui  Jaan Weitz es olles lubbanu mulle massa sis olles, Peetri Weitz ommast rõiwa rahhast mulle ärra masnu. Sest minna anni Peetri Weitsele se rahha Warbus kõrtsin ja sääl jõime ütten ja Peetril es olle massa sis massi minna Peetri eest, sis pässi temma walla. 

Jaan Weitz ette kutsuti ja kaibus ette loeti, kes wastutas: Et ne kaibuse omma kiik wõls, sest temma tulli meile hulitse pääl järgi ja üttel, et kule Peter mes tuuga sa mes meil teggemist om sis ütli minna, et oh Jürri mes sinna sellega nüüd kõnnelet et kui temmal üts tõttelik wõlg sinnoga om, sis saap ka temmaga jo perran õiges. Ja perra saije minna kulda et Jürri Herne ja Peeter Weitz olla Warbus kõrtsin joonu ja ja Herne olla Peetri Weitze eest käe mehhes löönu, ja Peetril Weitzil om nüüd wõlg ja Jürri Hernel ei olle middagi, ja kui Peetri wälja tulle sis selletage essi henda waijel ärra, ja Kui meije Tartost tullime sis üttel Jaak Ollesk tee pääl, et Peetri Weitz sellet ka omma wõlla Jürri Hernega ärra.

Tuuperrast et Jürri Hernel üttegi tunnistajat selle man ei olle, et Jaan Weitz omma poja Peetri wõlga henda päle om wõtnu massa,  ja et nemma ka selle wõlla kõrtsin ütten omma joonu

om Koggokonna kohhus sedda asja tühjas arwanu.

Jürri Kramp xxx

Mihkel Soldan xxx

Adam Jahhu xxx