Gottlieb Kuus Wabrikust kaibas wasto Alexander Timmofei, et selle perräst et Alexander Timmofei temmä näo katki om pesno, eilä õddago Räppinä kõrtsin ja om löno 4 wöi 5 körd wasto suud, selle perräst et kõrtsimees Ainson nalja perräst teddä weidi om tougano ja Gotli jalg om Alexei jalla päle länno. Ja weel päle selle ollewad Alexander Timmofei Gottlid Zeas söimano Ja Gottliebi su om katki pesseto.

Alexander Timmofei käest sai küssitu: üttel temmä et ei olle minna 4lä 5t körda löno 1 körd minna teddä suust harin, selle perräst et temmä minnu Maniska kisse purrus ja minnu rinnust kindi pitsit ja kogu kindi pitsit, et minna muud es wõi tettä kui hari küstega suust selle perräst et ma wallale saas.

Pedo Norrusk tunnist, et temmä muud ei olle nänno kui olli kulu kui Gotli olli üttelno mis sa tahhad, ja teine om teisele üts körd lönod.

Soldat Johann Karjus tunnist, et Alexander käed om kara Rudowi õlla pääl olno sis Gotli om üttelno Alexandrel sinna kassi eest ärrä, kui Heindrich Ainson om üttelno et kohtomees waigista sis om Alexander üttelno Gottlid Zeas.

Gottli arwas et Alexandrel middägi riistä käen om olno selle perräst et palja käegä suud ni katki es olled wõino ni tettä.

Kohhus mõistis, et kaibaja ja kaiwataw kumbagi pühhä päiwä tülli eest peawa 1 Rubla kirriko ladikus masma, ja päle selle peab Alexander Timmofei weel 1 Rubla Gottli Kunsil su katki lömisse eest masma.

Neide kokko lepmisse perräst om mass taggasi jätteto.