Kohtu een kaebas mõtsawaht Juhhan Käis: Et Jaan Watt olla temmale kõnnelnu et temma naine Liso olla Jaani mõisa rehhe kõrwal säoratsit koritusi palju puid nännu kui Jaan Hindoola tarre kõrwal omma olnu, ja Jan Wat naine ütle et Jani maija rentniku hobbene olla Jaan Hindoala käen olnu ja sis olla seo hobbesega neid puid sinna weedu.

Jaan Wattu naine Liso tunnist: Et temma olla Jani moisan rehhe kõrwal säratsit puid kouri nännu ja omma ka wistist ne puu, mes Jaan Hindoalal omma tarre kõrwal olliwa kõo puid  olli ja palgi otsi olli ka koritusi ja kui minna sinna latsi sis weedi ne puu Härbani  mahho ärra, ja ne puud weedi weel Jani mõisa hobbesega sinna.

Jaan Hindoola ette kutsuti ja kaibas ette loeti kes wastut: Et temma olli hobbese essi Jani moisade weenu ent puid ei olla temma mitte üts halg sinna weenu.

Liso Watt tunnistuse päle

Moistis Kohhus:

 Et Jaan Hindoola massap selle puu weemise eest 1 Rbl trahwi moisa hääs katte näddali perrast ärra.

Moistmine ja § 773 sai kohtun käüjile ette loetus kon nemma ka mõllemba sellega rahhule olliwa.

Jürri Kramp xxx

Mihkel Soldan xxx

Gusta Rautsep xxx

Kirjotaja AHallop [allkiri]