Kohtu een kaibas Mihkel Asi: Et nemma olla Gusta Asi naise Lisoga tarren tülli lännu ja Liso Asi olla temmale ligi tulnu sis olla temma tedda jallaga kaugembale tõuganu ja sis olla Liso Asi sawwi kiwwi wõtnu ja Mihkel Asile kõrwa päle lönu.

Liso Asi ette kutsuti kes wastutas: Et temma olla tarren tuhkhawa kiwwi pääl istnu ja lats olla üssan olnu, ja sis olla nemma tõine tõisega tüllitsenu ja sis olla Mihkel Asi temmale enne manno tulnu ja träsaga temmale alt lõwwa ülles lönu ja rindu ka weel löönu ja sis päle lömise, nelja päiwa perrast olli mul lats mant ärra.

Mihkli naine Ann Asi tunnist kes sääl olla olnu et nemma sõimsiwa tõine tõist ja tüllitsiwa ja lätsiwa taplema,ent sedda minna es näe kumb neid enne leije, ent Mihkel läts kül sinna kiwwi poole kon Liso Asi olli.

Liso Asi kaibas, et Mihkli naine Ann Asi olla ka temmale jälle perran sedda Mihkele löömist tõisel päiwal ütte witsaga ümbre pää.

Ann Asi wastut selle päle: Et temma olla tullitsemise pääl ütte kuiwa witsaga kaska päle löönu ent mitte ümbre pää.

Omma essi henda waijel nida ärra lepnu et Mihkel Asi massap Gusta Asale temma naisele löömise eest 15 Rbl. kolme näddali perrast ärra.

Jürri Kramp xxx

Mihkel Soldan xxx

Gusta Rautsep xxx

Kirjotaja August Hallop [allkiri]