Ette tulli Hindrik Pallo ja kaibas, et tema niit ära olnu põimetu ja tema leidnu neid Jaan Kollo poolt Wöörmünder Peter Pedras man olemisen; tema nõudwat kahjo tasomist 10 Rbl.

Wastut kaibuse pääle Jaan Kollo, et tema ei ka tema pere Hindrik Pallo niitu ei ollew põimnu.

Wöörmünder Peter Pedras, kes Jaan Kollo pool hainu takkan otsman käünu, pand proowi neist, mes Jaan Kollo poolt leitu ja Hindrik Pallo haina maa päält, kost põimetu olnu, ne saiwa läbi kaetus ja sündiwa kokko.

Peter Udras kes ka kahjo üle kaenu, üttel, et kahjo olnu arwata 1 Rbl.

Nema es lepi.

Otsus:

Jaan Kollo peap Hindrik Pallole kahjo tasomist masma 1 Rbl. nädali aja sisen a dato.

See kohtu otsus sai kohtun käüjile kuulutedus prg. 773 ja 774 Sääduse raamatust 1860 aastast ära selletedus.

Pääkohtumees J. Kabist [allkiri]

Kohtumees P. Sillaots [allkiri]

      "             P. Klais [allkiri]

Ärakiri Jaan Kollole 21. Julil 1887 wälja antu.