Tulli ette Wallawannemb Michel Wõsso, ja kaibas et temma sullane Johan Waltson ollewa temmal 2 2/3 päiwa kallil Tööajal ärra wiitnu, ütteki pühhapäiwa ei olle kottun, öse käip eggakõrd, ni kui ka pühhapäiwa ilma minno lubbata, lähhab ärra kui essi tahhap, minna massa kallist palka se om 50. rubla Söök ja Reiwas, nõwwa ka teenre käest selle wasta tööd ja sõnna kuulmist, nink pallel kohhut, Johan Waltson´i sõnna kuuldmissele ja tööle sundida. 

Kutsuti ette Johan Waltson, sai kaibus ette loetus, kes selle pääle middagi es woi kosta ennegi pallel andis ja lubbas henda parrandada.

Otsus   Kohto poolt sai Johan Waltson´il, se kõwwa käsk antus, et ilma perremehhe lubbataei tohhi mitte kottust ärra minna, olgo pühhapäiw, ehk ärripäiw, päiwa ehk öse, eggakõrd perremehhe sõnna kuulma, ilm wasta pannematta, kui peas ilma lubbata weel ärra minnema, ehk aiga ärra wiitma, sis massap perremehhel egga ärra wedetu päiwa est 3. rubla, nink wanna widetu paiwa ka takkast järgi, mes nüüd perremehhe poolt kingitu omma, ja lätsiwa rahhun walja. 

                                                            (Allkirri)