Tulli ette pää mõtsawaht Jaan Uibo ja kaibas et Krotusse, 2. Widdise perremehhe nimmelt, Jaan, ja Jürry Tõnno, ollewa Karrasky Moisa maa, sisse kündnu 2. sülda laijalt, ent pikkust es woi ülles anda, üts Kuppitz opis ärra laotedu ja ärra künnetu, nink teine Kuppitz pool laggonu ja pool künnetu, nink pallel kohhut sedda asja moista ja ülle kaeda, nink nõudis piiri ja kuppitze Rikkumisse eest 25. Rubla hobe.

Kutsuti ette Widdise perremehhe Jaan ja Jürry Tõnno sai kaibus ette loetus, kes ka es woi sallata, enge Jaan Tõnno, ütles et temma olnu se eddimatse kuppitze lahknu ja kündnu, et ei olle sukkuki tutta olnu, temma ollewa koggematta sedda tennu, nisamma ütles Jürry Tõnno, et temma ollewa se teise Kuppitze mann süüdlanne.  et ollewa küll weere külge puttunu. 

Kohtomeeste, Jakob Uibo, ja Jaan Leppason´i üllekaemisse perra, olnu kik ni kui Mõtsawaht om ülles andnu, ja ütliwa ka kik ni oige ollewat. 

Otsus   Kohhus arwas et omma julgenu Moisade wahhel piiri Kuppitzit ärra lahku ja ärra künda, nink ka wõõra Moisa maad ülle piiri künda, massap Jaan Tõnno - 6. Rubla hob: waeste Laadi trahwi, et om suutummas Kuppitze ärra häwitanu, nink Jürry Tõnno massap 3. rubla hõb: waeste Laadi trahwi, et om Kuppitze ärra lahknu, mes 8sa päiwa sissen, peap ärra massetu ollema, nink ka Kuppitze Karraskij Mõtsa wahte Jaan Uibo, nink Jaan Palloson´i üllekaemisse all, warsti omma paiga pääle illusaste ülles teggema, ent Moisale es arwa kohhus middagi, sest et Moisal ei olle weel middagi kahjo saanu, Sai kohtomoistminne ja § 772. n: 773. kohtun käijatell ette loetus, ent Jaan Tõnno es olle sellega rahhul, et arwas hendal liiga tettu ollewat ja pallel Protokolli, mes kohhus ka lubbas anda, kui ennegi se moistetu 9. rubla sisse massap, seni kui üllem kohhus asja selletap, nink ärra lastus. 

                                                                     (Allkirri)