Tulli ette Mõtsawaht Jaan Palloson, ja kaibas, et Krotussest Jaan naine Marri ja tüttar Liso Abel, nink Jaan tüttar Mai Tiggane, cesmanne, keeletu Raendu päält haina poimnu, nink ne wiimatse säälsamman marju korjanuwa, ja pallel kohhut, et om mitto kõrda keeletu, ent siski ei kuule, neid selle perrast trahwida.  Et keeldu ei kuule.  

Kutsuti ette, Jaan´i naine Marri, ja tüttar Liso Abel, wöörmünder Tannil Kerner, ja sai kaibus ette loetus, kes ka es salga ent ütliwa teedmatta sinna johtuwat. 

Kutsuti ette Jaan´i tüttar Mai Tiggane, kos temma essa Jaan Tiggane kõrwal sais, sai üllewal ülles antu kaibus ette loetus, kes ka es salga, ent üttel minna es jo middagi kurja kui ennegi marju korjassi, noid ki es sa kuiki wõrra kui Mõtsawaht mannu tulli. 

Otsus   Kohhus moistis, et omma wõõra ma pääle, ja weel päälegi Keeletu Raendude kos noor mõts peap kassoma, massap Marri Abel, 50. kop: trahwi tüttar Liso massap 25. kop: trahwi et waikene om, nink Mai Tiggane, massap 50. kop: trahwi, mes 8sa päiwa sissen ärra massetu, peap ollema, sest rahhast saap 50. kop waeste Laadi, ja 75. kop Moisal, nink lätsiwa rahhun wälja. 

                                              Karraskij Kohto majan Jusal sel 5.al Augustil 1876.

                                                                  Eenistja, Jaan Tullus.  XXX

                                                                  Mannistja, Jakob Uibo.  XXX

                                                                  Mannistja, Jaan Leppson.  XXX