Mali Heringson Wõbsost kaibas et Jaan Häideski tüttär Hels Wõbsost om teddä pesno eddimält käega, ja perräst kapsta rauwaga, üts körd käega ja teine körd om kapsta rauwaga lönbod, ja perräst om hjusist kindi wõtno ja kehno ja om tanno pääst mahha tõmmano, sis kui Mali kapsta rauwast kindi om wõtno, ja sis om Hels Emmä ka wäljä katsno tännitäno ja kui Emmä wäljä om länno om nemmäd kattekeste Emmä ja Hels Mali kindi wõtno kurgust ja ommawa Mali Jakki selläst ärrä lahknowa.

Sis om innimissed appi lännowa ja Mali om ärrä pasno.

Mali ja Jaan Häideski tüttär ja Emmä elläwäd Wõbson ütten majan.

Hels Häideski käest sai küssitu, üttel temmä et se om puhhas wõls mis Mali om ülles andno, et Mali om teddä pesno ja molli päle mahha lönod ja om põlwiga rindo päle länno, ja om temmä hjused pääst ärrä kakno.

Helse Emmä Marri üttel, et temmä ei olle mitte kakkelno, ja temmä om enegi seddä nänno kui Mali om temmä tüttart Helse kemmergohe tahtno aiada, ja temmä om wäljä länno ja om üttelno et teije kakkote teine teist naggo Soed, ja sis om temmä tütre pääst Mali käe wallale pästno, ja sis om tüttär Mali Jakkist wallale lasno, ja sis om naggo pinnid üts tõesest wallale jänowa.

Lisi Wuks tunnistas, Wõbsost, et temmä om nänno, kui Jago naine Mali om wällän lehti Saggano ja sis om Hels wäljä länno, ja om lönod kaega Malil, ja Mali om ka käega wasto lönod, ja sis om Hels Jago naise Malil tanno ärrä pääst tömmano, ja sis ommawa hjusist kindi wõtnowa, ja sis om Hels Emmä wäljä kutsno, ja sis ommawa lauda warjo lännowa kust Lisi ennämb neid ei olle nänno, Ja sis sel körral kui nemmäd pääst kindi om wõtnowa om nemmäd mahha saddanowa.

Kohhus mõistis, et Hels Häidesk peab 1 Rubla Malil Jakki eest masma Ja päle selle peab kakkelosse ja lömisse eest 24 tundi törmän ollema.