Wido Kiutson Raiglast kaibas kohto een, et temmä kaddono welli Daniel Kiutson om Walla wannemb Paap Kiudowi kätte 75 Rubla rahha andno, hoita, 10 aastaiga aigo taggasi, sis om Walla wannemb sel aial perremees ja Koolmeister Raiglan olno, agga sest rahhast 75 Rublast ei ollewad Wido Kiutson ennämb taggasi sanud kui 20 Rubla.

Walla wannemb Paap Kiudowi käest sai küssitu üttel temmä, et mul ei olle suggugi melen kuis tu assi olli mul olli täht anto temmäle kui paljo rahha temmäl olli anto minno kätte hoita ja ni palju kui seddä rahha minno kätte olli anto ollen minna ärrä andno ja ärrä selletäno, perrä rahha ollen minna Karli Elferi kätte andno perrän Danieli surma, ja enne surma sõssara pulma aigo om 10 Rubla andno ja mattuse aig om 20 Rubla andno.

Karli Elfert tunnistas sanod mattuse aig 20 Rubla, ja perräst om 20 Rubla sanud.

Essäk Jaak Punnisson üttel, et temmä om nänno kui Danielil om 70 Rubla rahha olno, ja Jaak om sellega juhhatano Kiudowi manno.

Wido Kiutsoni sõssar Karli Elferti naine Leno tunnistas et Daniel enne surma haigusse aig om üttelno et temmäl om 70 Rubla Kiudowi käest sada.

Wido Kiutson ei olle seni aiani kaibano, om se assi selle perräst ette tulno, et Wido Kiudowi nissu ärrä olli söötno ja kohhus 3 Rubla trahwi kahjo tassomist mõistis.

10 aastaiga kui rahha om anto ja pea 2 aastaigo kui Daniel om kolo ja nõudmist ei olle olno, jääs se assi polele ni kauwa kui wõlla täht kätte saap ja selget tunnistust.