Kolmandalt, saiwa Johan Tullus´e rahha massmisse perrast tunnistaja ette kutsutus nink küssitus, kui nimmelt,

1, Kutsuti ette Tooaigne nõumees, Ado Plado, kes ütles et ei olle õigede meelen ei woi ka üttelda, kas om masnu woi mitte, arwata om, et ilma massota iks keddagi wälja es lasta. 

2, Kutsuti ette Tooaigne Noumees Johan Raig, kes ütles, minna es olle eddimatse massmisse aigo siin, ent kui minna tulli, sis tulli Johan Tullus minnol wasta, nink minna küsse kos, lähhat, Johan üttel, rahha tulli pudus lähha rahha perra, ja naije kui Johan Tullus 3 rubla sisse massis, kas temma rohkemb om massnu, sedda ei woi minna mitte üttelda ei ka tunnistada, mes silm ei olle nännu. 

3, Kutsuti ette Tannil Wõsso, kes ütles, et Johan Tullus ollewa kik ärra massnu mes nõwwetu olnu, ent kolme rublaga om wahhet ollnu, nink too ollewat ka ärra massnu. 

4, Kutsuti ette Adam Mandli kes ütles, minna ei tija, ja ei mälleta muud middagi kui et, Johan Tullus tulli koddo, kolme rubla perra, ja wõttis rahha ütten, mes massu pääle temma sedda rahha wõttis sedda ei tija minna mitte üttelda. 

                                                              (Allkirri)