Johan Timpka tulli ette ja kaibas: tema ollew Peter Sika käest kolme asta eest pole Perralaane maja ostnu ja raha ärrä massnu nink nüid ei tahha Peter Sik temale  kaarti ei ka kontrati kinita laske ja kui Peter Sik minewa sügise jobba maa om poles lasknu tetta ja temale toise pole ärrä andnu.

Peter Sik ettekutsuti ja kaibus ette loeti kes wastut:  Mina tahtse kül siis müwwa nisama ka kontrate tetta ja kinitada laske agga Keiserlikun Kreiskohtun es tetta ja nüüd mina ei tiija mis tettas.

Kui neil midagi ütlemist es olle siis

Moistse Kogokona Kohus:

Peter Sik peab nüüd weel Timpkaga Keiserliku Kreiskohut pallema kas seda maja poles tetas ja siis karti ja kontrati ärrätegema ja kui seda ei tetta siis peawa nema mõllemba nisama rahhun edasi ellama eggaüts oma pole päl; seleperast et Peter Sik om essi tuukõrd müünu ja Timpka tema eest Herra rahha ärrämassnu.

Moistmine ja Sädusse §§ 773 ja 774 saiwa kohtunkäüjile ette loetus, kellega ka mõllemba rahhule olliwa.

G. Weitz XXX

A. Org XXX

K. Kolk XXX

Kirjut. assem G. Daniel [allkiri]