An Wiga kaibas, et tema peremees Gusta Jahu om teda oma teenistusest ärä ajanu, käsknu teda põrguhe minna ja lubanu teda suuretükkiga üles laske; wandwat teda alasi ja ei ollew tema tööga rahu. Et peremees temaga nii hirmsaste ollew tõrelnu ja teda wandnu, sis ollew tema wäega ärä heitinu ja selleperast haiges jäänu, et enamb tööd ei wõiwat tetta. Tahap ära minna kui peremees teda lubap.

Kusta Jahu wastutap selle kaibduse pääle, et see ollew kõik wõls. Tema ei ollew Anne mitte ära ajanu. Heitümise asja perast ütlep K. Jahu, et An ollew suwel padakonna heitunu Anne oma ütlemise perra. Ütlep ka, et An ollew wäga wastapandja ja ei tahtwat midagi tööd tetta. Lubap Annel kül ärä minna, kui ta hääga tahap ärä minna, niisama lubap G. Jahu Annele tema teenitu aja palga kätte massa.

Otsus: 

Mõlemba kohtun käüja lepsewa sellega kokko, et K.Jahu massap An Wigale selle teenitu aja palga wälja, see om 4 Rbl. 17 kop. raha, 8 naela linno ja 1/2 naela willo.

G.Weitz XXX

G. Kolk XXX

G. Asi XXX