Albert Vitholtz kaibas kohto een et, Tõnnis Melki poig om haino al temmä majaman ja om sääl tuld tenno ja teise päiwä om jälle länno alla temmä maja wõi korteri manno länno ja om tahtno Alberti kitse kapla ärrä lõigato sis Albert om tõrrelno teddä ja sis om se Tõnnise poig mäele länno ja sis päle selle om Tõnnise naine alla länno, ja om Alberti sössar tõrrelno sis om Albert üttelno et naine olle hä inniminne minne ärrä ja om käe õlla päle pandno, sis om Tönnis Melki naine Katri Albertil 2 körd lönod, ja om suust werre wäljä lönod ja om weel ähwardäno päle selle löwwä

Katri Melki käest sai küssitu? üttel temmä, et temmä ei olle lönod enge temmä om hendä Alberti käest wallale kiskno. Ja Albert om temmä poiga pinnigä taggan aiano, Ja kui Katri karja aiama om länno, om temmä sis senna länno, ja om üttelno et kuis  teije seddä last ni hirmutade ja Albert ollewad teddä horas üttelno.

Albert Vitholz elläb Wõbson allan mötsa weren Jaan Kopwillemi majan ja Katri Melk om senna länno.

Albert üttel, et temmä ei olle Tõnnis Melki naist Katri horas söimano, ja ei ollewad ka mitte pinnigä last purretano

Katri Melk üttel, et 10me kitse kopla wõis poig katki lõigata et temmä jõuwap massa. Katri üttel et Albert om temmä Jakki katki tömmano.

päle selle tülli om Albert Witholz mäele kirjutaja Jaansoni pole länno kus Jaan Häidesk mann tööl olli, sis om Alberti rõiwad, ja püksid werregä koon olno.

Kohhus mõistis et kumbagi Albert nink Katri Melk peawa 1 Rubla waeste ladikus trahwi masma.

Pä kohtomees Jaan Holsting

Kohtomees Jakob Türkson

Kohtomees Paap Kress

Kohtomees Kristian Rusand

Kohtomees Rein Lambing

Kirjutaja J. Jaanson <allkiri>