Wiendalt Tulli ette Johan Seeme ja kaibas, et temma Aijastaja pääle leppitu teenija pois Hindrik Iwask, ollewa sel 22el Juni'l s.a. teenistussest ärra lännu kike Reiwastega, kui nimmelt, 1 Särk, 1, wastne Hamme, ja 1 paar Wastsit pükse, ja pallel Kohhut, tedda sundi, et teenistuste taggasi saas, ehk Säädusse perra trahwitus saas. 

Kutsuti ette Hindrik Iwask, ja temma wöörmünder Adam Lukkatz, sai kaibus ette loetus, kes selle pääle ütles, et Johan Seeme tulnu nurme pääle kos temma kündman olnu, ja nakkanu hirmsaste tõrrelema, löönu mahha, sõknu põlwiga rindu pääle ja pesnu russikuga sälga nink aijanu tedda ärra, sai kohto poolt küssitus, kas wõõrast tunnistajat ka mann olli, kes selle pääle ütles, sääl es olle muid kui Jummal, ja Paiju puhmu, nink pallel kohhut, et Johan Seeme, temmal, temma teenitu aija est wälja massas, ja wallale lasses, sellega olles temma rahhul, nink and weel omma ärra aijamisse perräst, tunnistajas Karel Kumm´i ülles. 

Kutsuti ette tunnistaja Karel Kumm kes küssimisse pääle ütles, J. Seeme ja Hindrik Iwask asjan, et Johan Seeme ollewa temmale üttelnu, et minno pois Hindrik om wäega sõnna kuuldmatta, olles keaki temmal nõwwo annas, et ärra läässi, sis pässes minna temmast wallale. 

Otsus    Kohhus moistis, et Hindrik Iwask peap teenistuste taggasi minnema, sest et õiget tunnistust neide wahhel es olle, ja peap illosaste sõnna kuuldma, nink omma leppitu aig wälja teenima, Perremehhel sai kõwwa käsk antus, et ei tohhi ommi kässiga külge minnema, ennegi illosaste oppama ni kui Leibawannemba säädus ja kohhus om, ent olliwa henda wahhel ärra leppinu, et Hindrik Iwask annap Perremehhe J. Seeme üllewal nimmetedu Reiwa taggasi, nink lahkuwa rahhun ärra, et ei olle kumb kummagi käest middagi nõudmist, nink lätsiwa rahhun walja. 

                                                                                  (Allkirri)