Hurmimõisa perisherra N. von Roth'i kaibduse asjan kutsuti Johan Teri kohto ette, kes olewat nännu, et 3 elajat ja 2 tsikka wastseristikhaina pääl om olnu, et seesama peap ärä tunnistama kellel nee elaja ja tsea omma olnu.

Johan Teri wastutas, et nee 3 elajat tema oma omma olnu, kes rehe mant õkwa ristikhaina pääle olliwa joosknu, seni kui karjus tarre oli lännü ja ei ollew sääl kuigi wõrra aiga olnu. Seda ei teedwat tema mitte kellel no tsea omma olnu.

Peeter Moistus tunnistap, et üts olnu Johan Seebachi ja tõine olnu Johan Teri tsiga.

Otsus:

Johan Teri peap iga elaja eest 1 rbl. trahwi masma niisama ka tsea eest 1 Rbl. trahwi masma ja Johann Seebach ka niisama oma tsea eest 1 rbl. trahwi masma, et na oma elaja ja tsea wastseristikhaina pääle omma lasknu, mis kangeste ärä om keeltu.

G. Weits XXX

G. Kolk XXX

G. Asi XXX