Hurmi kog.kohus kutse Peeter Moistuse ette, selle üle wastust andma, misperast tema kog. kohtule wastopandja olli ja mässamist tahtse tõsta, niisama ka kohtomeeste wasto grob olli, aidast wälja joosk ja omma kraami salgama nakkas kui kog. kohus tema warandust wõlgade perast üles pidi kirjotama ja kohto keelu ala panema ja misperast tema, egakõrd kui ta kohto ette tulep kohto wasto toredal wiisil kõnelep ja igakõrd oma käe perse pääle panep?

Peeter Moistus wastutas neide kohto küsimiste pääle, et tema söäme halendusega seda om tennu ja ka selleperast, et kohus tema warandust om tahtnu kõik täüweste üleskirjotada ja ei ole mitte lasknu üle nukke kolke minna. Käe pandwat tema selleperast perse pääle, et tema käe hädalise ollew.

Otsus: 

Et Peeter Moistus kog. kohto wasto mässamist tõstse, niisama ka grob olli ja kuigi wiisi henda wabandada ei wõi, sis mõistse kog. kohus teda 24 tunnis kog. konna wangitürmi, tema wasto-panemise ja grob olemise eest.

Kui kohto otsus sai kuulutedu, sis tunnistas P. Moistus, et tema selle otsusega rahu ei ole ja lubas edesi kaiwata.

G. Weitz XXX

A. Org XXX

G. Kolk XXX