Räppinä walla kirjutaja J. Jaanson kaibas kohto een, et 21 Septembril se om neljä päiw hommingo ?? õige warra üks wäegä hirmsa krop teotusse kirri temmä ja ütte nore tüttärlapse Wiskä Andrewitfsi Abramowi ülle Wõbso turro tulpa kige rahwale luggeda om panto; Se kirri peab jälle kroppuste kirjutedo ollema olno mis luggejad tunnistawa terwe pogen pabberid täis kirjutedo ja lõppetusse al nukka pääl peab ollema olno tindigä 2 innimisse maali tetto üts naiste ja teine meesterahwa maal, Meisterahwal peab omma ellämisse assi peo sissi ollema säeto, ja naisterahwast temmä wasto röiwad eest ülles wõeto, Meesterahwal ollewad minno nimmi J Jaanson ja Naisterahwal temmä nimmi Wiskä alla kirjutedo, mis tähhendäp et püsti jalla pääl horata;
Kirja päle peab ollema kirjutedo, et kui seddä kirjutajad koeras ütteldäs, ehl teddä taggan otsitas, sis temmä kaebap kohto, ja sis sama Sibberis sadeto, taggan otsia.
Kirjäl ollewad 3 risti alla tetto; Kirjäl ollewad ka No Putz töiskkümmend külle päle tetto kirjutedo se om naisterahwa habbedusse nimmi. No ja ristid om wist minno ammeti tallitusse teotusses, selle perräst, et minna kui kohto kirjutaja, keik kirjäd No al kirjutan, ja innimissi kel tarwis om juhhatan risti tömmata.
21 Septembril hommingo warra laskin minna teiselt poolt turro nukkast mödä, ja näggin turro tulba mann paljo rahwast mis linna tulleja posti teest kaugel ei olle.
Kell 9, 10ne pääl, söitsin minna turrust mödä ja näggin jälle paljo rahwast turru tulbamann ollewat, sis ütlin minna omma naisele, kes minno kõrwal iste, et ei tea mis se om, hommingo warra olli paljo rahwast turro tulbamann ja nüüd jälle iks seni aiani, et tea mis sääl peas tettäma, ja kui minna sure te päle sain ja tulba kotsilt möda söitsin näggin minna surt pabberi lehte tulba küllen ollewad, kus Platton Risikow päle wahtis nink teised mann ollejad neide taggast terret Adam Sell minno, agga muud teised es lauso mulle sest mitte sanna.
Selle perräst, et kel 10 Tarto postimees Räppinäst ärrä lähhäb piddin ma ammeti tallitusse perräst temmägä enne kokko sama, selle perräst es kauka minno aig senna tulba manno kaema mindä enge piddin eddesi söitma.
22 Septembril Redi sain minna kulda, et se leht olli wäegä häbbemättä wisil roppuste minno teotusses tüdrukuga kirjutedo. Sel päiwäl minno aig es lubba 23 ja 24 Septembril otsin minna kõwwasti seddä lehte taggan, sain naggo ?? eest kulda, et Maksim wõi Platon Risikowi majast üks wennelänne om seddä lehte wäljä wissano, ja maast om Hindrik Oina wäike poig ärrä wõtno, ja temmä käest jälle Daniel Norruski poig, ja Daniel Norruski poia käest om Wido Zupsmann Parrindi pois ärrä wõtnod, ja om koddo Akna päle pandno Akna päält olli Peter Kaswand ärrä wõtnod Uus mann tunnistaja kenksep Laarha olli. Peter Kaswand üttel Friedrich Weberi kätte andno, Friedrich Weber üttel, et temmä sest middägi ei tea.
25 Septembril pallosin minna Wõbso Polizeid appi, ka Polizei Jaan Zengsonil üttel Peter Kaswand, et temmä om Friedrich Weberi kätte selle kirjä andno, ja Friedrich Weber sallas ja üttel et temmä ei tea sest kirjäst middägi, ja es anna meile kumbagi seddä kirjä kätte; Sis söitsin minna Räppinäs Keiserlikko V Kihhelkunna kohto Herrä manno abbi palluma Kihhelkunna Kohto Herrä andis mulle ütte tähte, et üts walla kohtomees ja Wõbso Polizei peab, mulle appi tullema, ja Peter Kaswando käest seddä kirjä wäljä nöudma
26 Septembril tulli kohtomees Paap Kress ja Wõbso Polizei jälle Peter Kaswando käest kirjä nõudma, üttel Peter Kaswand et temmä käen kirjä ei olle, Redi om temmä Parrindi majast akna päält selle kirjä wõtnod, ja om winod jöe weerde sääl om hulk poisikessi olnod ja ei tea kelle kätte jäi, ja Friedrich Weber om ka luggeno sääl, Friedrich Weber üttel, et temmä kül luggeno agga ei tea kelle kätte jäi. Kui teddä Räppinäle tahheti wija, üttel temmä; et temmä om Petre kätte Redi sääl samman jõe weren andno, taggasi.
Sis tahheti Petert Räppinäl wijä, Peter Pandis Eesmält wasto, ja perräst üttel et temmä lähhäb koddo, ja tulleb jälle taggasi, kui Peter taggasi es tulle läks Polizei perrä, Petre naine om russikast wasto lauda lönod, ja ei olle laskno.
Nüüd söitsime jälle Keiserlikko V Kihhelkunna Kohto Herrä manno, Kihhelkunna Kohto Herrä üttel kohtomees ja Polizei Teije peate omma ammetid tallitama wõtke kassak ütten,
27 Septembril läks kohtomees Paap Kress Walla kohto kassak ja Wõbso Polizei Rodi? Herrä Aitta Petre manno, säält joosk Peter ärrä, kassak perrän ni kauwa kui Petre koddo, säält tõi kassak Petre taggasi ja olliwa Petre raudo pandnowa ja Räppinäl saatno.
Tõnnis Eier tunnistas, et poolpäiw om se kirri Peter Kaswando käen olno särgi taskon, ja kui Peter kulda om sanod et taggan otsitas, om temmä selle kirjä kige särgigä aggande alla ärrä matnod, ja poolpäiw õddago om üttelno kus punask ma selle kirjä pean pannema.
Jaan Kissand tunnistas, et Peter om poolpäiw temmä pole rehhele tulno, ja om üttelno, et temmä ösi kel 11 om weel kirjä luggeno.
27 Septembril tunnist Peter Kaswand issi Räppinäl kohto een ärrä, et kirri om temmä käen olno, ja temmä om poolpäiw õddago Wõbson Platon Risikowi kätte andno;
28 Septembril läks kohtomees Rein Lambing ja walla kohto kassak Wõbso Polizei kohto kasso päle Wöbsos Platon Risikowi manno kirjä perrän nõudma, Platon üttel Friedri kätte, Friedrich üttel Petre kätte ja Peter üttel Plattoni kätte andno; Et se assi selges es sa, jäi kohto nõuda, ja käsk sai anto et keik kolm 2se Oktobril kohto man peawa ollema.
2 Oktobril kohto een tunnistas Peter Kaswand, et temmä om poolpäiw, selle kirjä Platon Risikowi kätte andno, Agga Platon Risikow om selle kohto kässole wasto pandno, nink es olle kohto manno tulno, Kasso andja Wöbso Polizei ja kohto kirjä päle, om Platon Risikow üttelno, et temmä Räppinä walla kohto manno suggugi ei tulle Jodikide lorri kulama.
9 ja 16 Oktobril sai jälle keik kolm kohtomanno kutsutu, agga ütksi es olle tulno.
Keiserlikko V Kihhelkunna kohto juhhatamisse perrä peab wasto pandjad kindi pantult todus sama.
23 Oktobril olli jälle käsk anto kohto manno tulla agga kell 10 enne löunat, Agga et Platon Risikow es olle tulno sis sadeti kohto polest 2 kohtomeest kohto kassak Wõbso Polizei perrä kus mann ammetimehhed pessä om sanod ni kui 24 Oktobril No 535 al prottokol näitäb.
Päle selle tulli kül Platon kohto manno, Peter Kaswand andis jälle kohto man ülles et temmä om seddä kirja Platon Risikowi kätte andno;
Platon Risikow üttel et temmä om jälle tu samma õddago selle kirja Friedrich Weberi kätte andno.
Friedrich Weber üttel, et temmä om jälle Peter Kaswando kätte andno, Redi õddago tullega.
Peter Kaswand üttel et temmä om üts ainoke körd andno Platoni kätte selle kirjä, ja sis om Friedrich nänno kui Peter om Plattoni kätte andno selle kirjä. Ja päle selle om Friedrich Platoni käest hendä kätte wõtno selle kirjä.
Peter Kaswand üttel, et temmä hing ei tea sest kirjäst, ja temmä wõib wando selle päle et temmä sest kirjäst middägi ei tea.
30 Oktobril täembä jälle tunnistas Tõnnis Eier et se kirri poolpäiw õddago om Peter Kaswando kätte jänod Ristk hainamann
Loriwon Steppanow tunnistas nänno kui Redi õddago Parrindi majan se kirri Petre kätte om jänod.
Friedi üttel et Peter om ka kaupmeeste pool selle kirjägä käinud.
Peter Kaswand üttel jälle, et temmä hing om puhhas ja et temmä sest kirjäst middägi ei tea perrän seddä kui temmä Platoni kätte om andno.
Jaanson andis kohto een ülles, ja arwas seddä teotamist hendä kotsil pä wäärt raskusses, selle perräst et kolme kubbermango piri lähhikessen awwalikko platsi pääl tulban temmä ülle hirmsa ropputeotusse kirja al temmä pilt rippul wisil tetto, ja temmä nimmi alla kirjutedo, ja kirja sisse ollewad kirjutedo et Sibberis saata.
Selle ülle pallub Jaanson kangeste kohhut seddä asja ärrä selletädä nink suremba kohto ette anda.
Räppinä koggokonna kohto otsus
Et Peter Kaswand kirjä ei mõista, agga siski kange wõls wabbandamissega wasto om saisno 5 näddälid aigo ni kui Friedrich Weber, ja et Platon Risikow kohhut Jodikus om teotano, ni kui Wõbso Polizei tunnistus näitäb, ja et nemmäd seddä kirja mitte kohtule ärrä ei olle andno, eggä juhhatano. Selle ülle annap Räppinä koggokonna kohhus allandlikko palwega seddä asja Keiserlikko Werromakohto ette ärrä selletäda ja neid kui kirjä teggiäd seltsi kohto ette nõuda.
Pä kohtomees Jaan Holsting
Kohtomees Jakob Türkson
Kohtomees Paap Kress
Kohtomees Gustaw Tolmusk
Kohtomees Rein Lambing
Kohtomees Kristian Rusand
Räppinä walla kirjutaja J. Jaanson kaibas kohto een, et 21 Septembril se om neljä päiw hommingo ?? õige warra üks wäegä hirmsa krop teotusse kirri temmä ja ütte nore tüttärlapse Wiskä Andrewitfsi Abramowi ülle Wõbso turro tulpa kige rahwale luggeda om panto; Se kirri peab jälle kroppuste kirjutedo ollema olno mis luggejad tunnistawa terwe pogen pabberid täis kirjutedo ja lõppetusse al nukka pääl peab ollema olno tindigä 2 innimisse maali tetto üts naiste ja teine meesterahwa maal, Meisterahwal peab omma ellämisse assi peo sissi ollema säeto, ja naisterahwast temmä wasto röiwad eest ülles wõeto, Meesterahwal ollewad minno nimmi J Jaanson ja Naisterahwal temmä nimmi Wiskä alla kirjutedo, mis tähhendäp et püsti jalla pääl horata;
Kirja päle peab ollema kirjutedo, et kui seddä kirjutajad koeras ütteldäs, ehl teddä taggan otsitas, sis temmä kaebap kohto, ja sis sama Sibberis sadeto, taggan otsia.
Kirjäl ollewad 3 risti alla tetto; Kirjäl ollewad ka No Putz töiskkümmend külle päle tetto kirjutedo se om naisterahwa habbedusse nimmi. No ja ristid om wist minno ammeti tallitusse teotusses, selle perräst, et minna kui kohto kirjutaja, keik kirjäd No al kirjutan, ja innimissi kel tarwis om juhhatan risti tömmata.
21 Septembril hommingo warra laskin minna teiselt poolt turro nukkast mödä, ja näggin turro tulba mann paljo rahwast mis linna tulleja posti teest kaugel ei olle.
Kell 9, 10ne pääl, söitsin minna turrust mödä ja näggin jälle paljo rahwast turru tulbamann ollewat, sis ütlin minna omma naisele, kes minno kõrwal iste, et ei tea mis se om, hommingo warra olli paljo rahwast turro tulbamann ja nüüd jälle iks seni aiani, et tea mis sääl peas tettäma, ja kui minna sure te päle sain ja tulba kotsilt möda söitsin näggin minna surt pabberi lehte tulba küllen ollewad, kus Platton Risikow päle wahtis nink teised mann ollejad neide taggast terret Adam Sell minno, agga muud teised es lauso mulle sest mitte sanna.
Selle perräst, et kel 10 Tarto postimees Räppinäst ärrä lähhäb piddin ma ammeti tallitusse perräst temmägä enne kokko sama, selle perräst es kauka minno aig senna tulba manno kaema mindä enge piddin eddesi söitma.
22 Septembril Redi sain minna kulda, et se leht olli wäegä häbbemättä wisil roppuste minno teotusses tüdrukuga kirjutedo. Sel päiwäl minno aig es lubba 23 ja 24 Septembril otsin minna kõwwasti seddä lehte taggan, sain naggo ?? eest kulda, et Maksim wõi Platon Risikowi majast üks wennelänne om seddä lehte wäljä wissano, ja maast om Hindrik Oina wäike poig ärrä wõtno, ja temmä käest jälle Daniel Norruski poig, ja Daniel Norruski poia käest om Wido Zupsmann Parrindi pois ärrä wõtnod, ja om koddo Akna päle pandno Akna päält olli Peter Kaswand ärrä wõtnod Uus mann tunnistaja kenksep Laarha olli. Peter Kaswand üttel Friedrich Weberi kätte andno, Friedrich Weber üttel, et temmä sest middägi ei tea.
25 Septembril pallosin minna Wõbso Polizeid appi, ka Polizei Jaan Zengsonil üttel Peter Kaswand, et temmä om Friedrich Weberi kätte selle kirjä andno, ja Friedrich Weber sallas ja üttel et temmä ei tea sest kirjäst middägi, ja es anna meile kumbagi seddä kirjä kätte; Sis söitsin minna Räppinäs Keiserlikko V Kihhelkunna kohto Herrä manno abbi palluma Kihhelkunna Kohto Herrä andis mulle ütte tähte, et üts walla kohtomees ja Wõbso Polizei peab, mulle appi tullema, ja Peter Kaswando käest seddä kirjä wäljä nöudma
26 Septembril tulli kohtomees Paap Kress ja Wõbso Polizei jälle Peter Kaswando käest kirjä nõudma, üttel Peter Kaswand et temmä käen kirjä ei olle, Redi om temmä Parrindi majast akna päält selle kirjä wõtnod, ja om winod jöe weerde sääl om hulk poisikessi olnod ja ei tea kelle kätte jäi, ja Friedrich Weber om ka luggeno sääl, Friedrich Weber üttel, et temmä kül luggeno agga ei tea kelle kätte jäi. Kui teddä Räppinäle tahheti wija, üttel temmä; et temmä om Petre kätte Redi sääl samman jõe weren andno, taggasi.
Sis tahheti Petert Räppinäl wijä, Peter Pandis Eesmält wasto, ja perräst üttel et temmä lähhäb koddo, ja tulleb jälle taggasi, kui Peter taggasi es tulle läks Polizei perrä, Petre naine om russikast wasto lauda lönod, ja ei olle laskno.
Nüüd söitsime jälle Keiserlikko V Kihhelkunna Kohto Herrä manno, Kihhelkunna Kohto Herrä üttel kohtomees ja Polizei Teije peate omma ammetid tallitama wõtke kassak ütten,
27 Septembril läks kohtomees Paap Kress Walla kohto kassak ja Wõbso Polizei Rodi? Herrä Aitta Petre manno, säält joosk Peter ärrä, kassak perrän ni kauwa kui Petre koddo, säält tõi kassak Petre taggasi ja olliwa Petre raudo pandnowa ja Räppinäl saatno.
Tõnnis Eier tunnistas, et poolpäiw om se kirri Peter Kaswando käen olno särgi taskon, ja kui Peter kulda om sanod et taggan otsitas, om temmä selle kirjä kige särgigä aggande alla ärrä matnod, ja poolpäiw õddago om üttelno kus punask ma selle kirjä pean pannema.
Jaan Kissand tunnistas, et Peter om poolpäiw temmä pole rehhele tulno, ja om üttelno, et temmä ösi kel 11 om weel kirjä luggeno.
27 Septembril tunnist Peter Kaswand issi Räppinäl kohto een ärrä, et kirri om temmä käen olno, ja temmä om poolpäiw õddago Wõbson Platon Risikowi kätte andno;
28 Septembril läks kohtomees Rein Lambing ja walla kohto kassak Wõbso Polizei kohto kasso päle Wöbsos Platon Risikowi manno kirjä perrän nõudma, Platon üttel Friedri kätte, Friedrich üttel Petre kätte ja Peter üttel Plattoni kätte andno; Et se assi selges es sa, jäi kohto nõuda, ja käsk sai anto et keik kolm 2se Oktobril kohto man peawa ollema.
2 Oktobril kohto een tunnistas Peter Kaswand, et temmä om poolpäiw, selle kirjä Platon Risikowi kätte andno, Agga Platon Risikow om selle kohto kässole wasto pandno, nink es olle kohto manno tulno, Kasso andja Wöbso Polizei ja kohto kirjä päle, om Platon Risikow üttelno, et temmä Räppinä walla kohto manno suggugi ei tulle Jodikide lorri kulama.
9 ja 16 Oktobril sai jälle keik kolm kohtomanno kutsutu, agga ütksi es olle tulno.
Keiserlikko V Kihhelkunna kohto juhhatamisse perrä peab wasto pandjad kindi pantult todus sama.
23 Oktobril olli jälle käsk anto kohto manno tulla agga kell 10 enne löunat, Agga et Platon Risikow es olle tulno sis sadeti kohto polest 2 kohtomeest kohto kassak Wõbso Polizei perrä kus mann ammetimehhed pessä om sanod ni kui 24 Oktobril No 535 al prottokol näitäb.
Päle selle tulli kül Platon kohto manno, Peter Kaswand andis jälle kohto man ülles et temmä om seddä kirja Platon Risikowi kätte andno;
Platon Risikow üttel et temmä om jälle tu samma õddago selle kirja Friedrich Weberi kätte andno.
Friedrich Weber üttel, et temmä om jälle Peter Kaswando kätte andno, Redi õddago tullega.
Peter Kaswand üttel et temmä om üts ainoke körd andno Platoni kätte selle kirjä, ja sis om Friedrich nänno kui Peter om Plattoni kätte andno selle kirjä. Ja päle selle om Friedrich Platoni käest hendä kätte wõtno selle kirjä.
Peter Kaswand üttel, et temmä hing ei tea sest kirjäst, ja temmä wõib wando selle päle et temmä sest kirjäst middägi ei tea.
30 Oktobril täembä jälle tunnistas Tõnnis Eier et se kirri poolpäiw õddago om Peter Kaswando kätte jänod Ristk hainamann
Loriwon Steppanow tunnistas nänno kui Redi õddago Parrindi majan se kirri Petre kätte om jänod.
Friedi üttel et Peter om ka kaupmeeste pool selle kirjägä käinud.
Peter Kaswand üttel jälle, et temmä hing om puhhas ja et temmä sest kirjäst middägi ei tea perrän seddä kui temmä Platoni kätte om andno.
Jaanson andis kohto een ülles, ja arwas seddä teotamist hendä kotsil pä wäärt raskusses, selle perräst et kolme kubbermango piri lähhikessen awwalikko platsi pääl tulban temmä ülle hirmsa ropputeotusse kirja al temmä pilt rippul wisil tetto, ja temmä nimmi alla kirjutedo, ja kirja sisse ollewad kirjutedo et Sibberis saata.
Selle ülle pallub Jaanson kangeste kohhut seddä asja ärrä selletädä nink suremba kohto ette anda.
Räppinä koggokonna kohto otsus
Et Peter Kaswand kirjä ei mõista, agga siski kange wõls wabbandamissega wasto om saisno 5 näddälid aigo ni kui Friedrich Weber, ja et Platon Risikow kohhut Jodikus om teotano, ni kui Wõbso Polizei tunnistus näitäb, ja et nemmäd seddä kirja mitte kohtule ärrä ei olle andno, eggä juhhatano. Selle ülle annap Räppinä koggokonna kohhus allandlikko palwega seddä asja Keiserlikko Werromakohto ette ärrä selletäda ja neid kui kirjä teggiäd seltsi kohto ette nõuda.
Pä kohtomees Jaan Holsting
Kohtomees Jakob Türkson
Kohtomees Paap Kress
Kohtomees Gustaw Tolmusk
Kohtomees Rein Lambing
Kohtomees Kristian Rusand
