Woldemar Luik tulli ette ja kaibas, et Kopski peremees Joh. Sibbul rahwa sekka ütte wõlsjuttu temä pääle ollew wälja laotanu, nii kui oles temä warguse wasto wõtja ja sellega ütten wargide nõumees. Joh Sibbul üttelnu ka, Luigale toogu kas härg sarwipitti, temä wõtwat selle ka wasto. Tõiselt ollew Sibbul ka wallawalitsust sellega teotanu, et ta ollew üttelnu: Wallawalitsuse asja omma kõik hukkan. Woldemar Luik pallep, et kog. kohus temä auu wõttas kaitsa ja Joh. Sibbulat oma kõne päle, mis ta rahwa sekka om laotanu wastust lases anda, mis põhjuse pääle tema seda om tennu ja mis põhjuse pääle om temä sedä üttelnu, et Luik ei kõlba mitte koolmeistris.

Joh. Sibbul tulli ette ja wastutas selle kaibduse pääle, et tema istnu üttel päiwal muru pääl, kos ka Kaagna sulane Aadam Rammul om olnu, kes om kõnelnu, et Jaan Kolk ollew temäle üttelnu: Nüpli Jüril omma hää taose, läämi wõttami nee ärä, Kui Rammul küsinu, kos meie neid panemi, üttelnu Kolk temäle: Meil om Luigaga kõneldu, tema wõttap kõik wasto. Selle pääle üttelnu sis temä /Joh. Sibbul/ : Kui seo asi nii om, sis ei kõlba Luik enamb koolmeistres. Seda ollew kuulnu Jaan Tagel, Mihkli Soldan, Jaan Jahu ja Erast Heik. 

Et sel päiwal mitte Adam Rammul, ega tunnistajid kohto ette es ole tellitu, sis jäi kohto mõistmine tõises kohto päiwas, kui Adam Rammul ja tunnistaja ka kohtu ette tulewa.

G. Weitz XXX

A. Org XXX

G. Kolk XXX

Kirjotaja asem. G Daniel [allkiri]