Joh. Pähn tuli kohto ette ja kaibas, et Hurmi mõisa walitseja Hörman ollew temä welle Aadamit kirja läbi uibide lahkjis tunnistanu ja näidas ka kirja kohto ette. Lubab seda tõttes tetta tunnistajide läbi, et temä weli Aadam sel ööl kottun om olnu kui warga Hurmi uibo aijan omma käunu. Pallep kohut, et kohus Aadami õigust wõttas kaitsa ja temä auwo, mida  walitseja Horman om püüdnu trotsi temäle jälle tagasi saata.

Mõisawalitseja Hörman wastutas selle kaibduse pääle, et temä kui wõõras inemine wargid, kedä ta üöse aijast ubina warguse päält kinni wõtnu mitte ei ole tundnu, aga warga tunnistusepääle, kes henda Kopski Reino poja Aadami õttelnu ollew selle kirja Kopski Reinole ollew kirjotanu. Warga olles kellä 1/2 1 aigo ööse aijan olnu.

Joh. Org tunnistap, et Kopski Reino poig sel ööl kottun om olnu ja kella 1 aigo esä mano tare ala magama lännu.

Et Aadam Pähn sel nimitedu öösel tõtteste kottunom olnu ja mitte Hurmi uibo aijan ei ole äünu ja walitseja Hörman ilma teedamata wargide tunnistuse pääle seda om kirjotanu, sis lepsewa mõlema kohtun käüja tõinetõisega ärä-

Otsus: See kohus tuleb ärä kistutada.

G. Weitz XXX

A. Org XXX

G. Kolk XXX

Kirjotaja Luik