Wõbsost Schlogi prouwa assemal Freidtenfeldi herr, kaibas kohto een, et neide karjus Hans Maddisson om Wõbson Schlogi prouwa Ristk haina päält Jaan Häideski Lehmä kindi wötno, ja koddo ajano et Jaan Häidesk seddä pantmisse rahha ärrä ei olle masno om se Lehm Wõbso karja moisa Karja Aida ütten teisi karjaga kindi aeto, Agga säält om Ösi se Lehma ärrä warrastedo, ja om pihha aia puud 2 tükki päält naklost ja alt ma sissest wäljä olno wöeto kust se Lehm läbbi wälja om tudu, Arwatas et Jaan Häideski tüttär Hels seddä olles tenno, selle perräst et temmä ja 2 körd enne seddä Lehmä otsman om käino.

Et neo Aia puud wallale om wõeto kust se Lehm wäljä om todo tunnist Wõbso Polizei Jaan Zengsoni õige ollewad.

Jaan Häideski käest sai küssitu? üttel temmä: et temmä ei tea sest middägi, enge om omma haia ärrä raijoto Jallaga sangin maan olno.

Tüttär Hels Häidesk üttel, et temmä ei tea sest Lehmä tomissest middägi et se Lehm om issi koddo tulno, agga kes teddä säält wälja om laskno seddä temmä ei tea.

Karjus Hans Maddisson tunnistas et sääl karja aian om üttelissi kindi olno 3 Lehma

1 om Listakol olno

2 om Karl Willmsonil olno

ja 3mas om Jaan Häideskil olno

Teised kaks Lehmä om hommingo allale olno agga Jaan Häideski Lehm om ärrä kaono olno.

Pantmisse rahha 1 Rubla om Jaan ärrä masno päle ette luggemisse sai küssito keddägi es tea tunnistada kes seddä Lehmä wäljä om laskno, ehk aida laotano.

Kohhus mõistis et Jaan Häidesk peab 1 Rubla trahwi masma selle eest et arwato om et temmä Lehmä perräst Aid lahhoto om.