Neljandalt     Tulli ette Adam Pääl, ja kaibas, et Johan Rattus om Märtsi kuul s.a. andnu 1. penni, selle leppimisse pääle, et A. Paal peap Lamba Suwwi ülle hoitma, sis om penni tassa, ent Johan Rattus ei olle essi Lambit hoitmiselle toonu, ja kos temma Adam Paal Penni liggi pool Aastat söötnu ja hoitnu, tulnu Johan Rattus, wõtnu Penni, ja müünu 1. rubla 80. koppika est teisile ärra, nink pallel kohhut sedda asja selletada, et temmal ommetegi kahjo es olles. 

Kutsuti ette Johan Rattus, sai kaibus ette loetus, kes selle pääle ütles: egga temma minno Lambit es hoija, sest minna es toogi ommi Lambit temma ette hoita, ja ütles weel mes perrast Penni minno Naist purri, selle wõtti minna ja müüsin tedda teisele ärra. 

Otsus    Kohhus moistis, selle perrast et wäega selgest nätta, nink tunnistajat selle asja mannu mitte waija es olle, kui Johna Rattus olles Lamba toonu, ja Adam Paal ei olles wasta wõtnu, sis olles A. Paal süüdlanne ollnu ja olles piddanu Kahju kandma, ent Johan Rattus ei olle essi omma sõnna piddanu, peap Penni taggasi tooma, ehk masko se hind mes temma Penni est om sanu se om 1. Rubla 80 Kop, mes 8sa päiwa sissen ärra täüdetu peap ollema.  Sai kohtomoistminne ja § 772 n: 773. kohton käüjatelle ette loetus, nink piddiwa rahhun wälja minnema, kos Johan Rattus Kohto Otsusse kulutamisse pääle, Pääkohtomehhel, Jaan Tullus´el ütles, kas sinna minno käest, mõnni trahwi nõuudja ollet, ehk kohto Otsusse kuulutaja, minna nõuuwwa enne sinno kaest.  nink läts wälja. 

                                                              (Allkirri)

                                             Man(n) olliwa kohtomees, Jakob Uibo.

                                               do            do       , Jaan Leppason.

                                                do           do Abbi, Johan Raig.