Hindrik Nõgel tulli kohtu ette ja kaibas, et Mihkli Wisnapuu ollew oma rahakotti Tille kõrtsin temä jalge ette maha wisanu,  kui temä sedä lännu üles wõtma, wõtnu Wisnapuu temä rinnust ja wisanu sõnalausmata tedä täüwe jõuuga wasto kõrtsi põrmandut, kos ta temä pää katski löönu ja teda ennäst nii ärä põrutanu, et nüüd sooliku wälja käiwät ja temä enämb eläda ei wõiwat, ei ka midägi tööd tettä. Selle man ollew tunnistaja: Mihkli Org, Peeter Rõiwas ja Tille kõrtsimees.

Mihkli Org: tunnistap, et temä ei ole muud midägi nännu kui seda, et Hindrik Nõgel pikkäli maan olnu. Peeter Rõiwas tunnistap, et M Wisnapuul ja H. Nõglal ei olla mingisugust tüllü asja ei ka nalja een olnu. Löömist ei ollew temä mitte nännü, kül aga mahasadamist kuulu. Kui Mihkli käest rahakot mahasadanu, siis tahtnu Hindrik ja Mihkli mõlemba jalga pääle panna, mispääle sis Mihkli Hindrikut tõuganu.

Peeter Sik tunnistap niisama kui Peeter Rõiwas ja weel seda et Mihkli ollew korter wiina ostnu ja ollew Hindrikuga kõrtsin ärä lepnu.

Otsus: Et M. Wisnapuu mitte kohto ette es ole tulnu jäi kohtomõistmine tõises kohtopäiwas.

G. Weitz XXX

A. Org XXX

G. Kolk XXX