Peter Kirjutus kaibas kohto een, et temmä om münod 1869 aastal Nulga küllä maa päält ütte Sauna Kahkwa mehhel Willem Meiningil 4 Rubla eest ärrä, ja sääl om ka üts teine Saun olno mis 9 Rubla om masno, agga Willem Mening ei olle mitte seddä osteto 4 Rublalist Sauna ärrä winud, enge om wargsi wisil 9 Rublalisse Sauna ärrä winud Peter nõuwap selle eest 9 Rubla.

Willem Meningi käest sai küssitu, üttel temmä, et temmä om 6 Rubla eest ostno seddä Sauna, ja ollewad ka seddä samma Sauna ärrä winud mis temmä ostno om.

Jaan Rämmän Kahkwalt tunnistas, et 6 Rubla om Willem Mening Sauna eest Petrel masno, agga mis soggumisse Saun om Willem ärrä winud, seddä ei tea Jaan eddimält Zupsa Sauna om kõnnelnowa ja perräst Peter om üttelno mul om 2 Sauna wõtko kumbas taht.

Karl Kangrow tunnistas, et Peter om münod Pritzi Sauna 4 Rubla eest Willemil enge Willem Mening om wargsi wisil teist Hindrik Kangrowi Sauna ärrä winud.

Kohhus mõistis, et Willem Mening peab weel Peter Kirjutussel 1 1/2 Rubla perrä masma Selle Sauna rahhake manno.

27 peab masseto ollema.