Tulli ette,   /Wiendalt/ Pääkohtomees Jaan Tullus, ja pallel kohhut, et lastes Johan Rattus´el, neid trotsi sõnnu tõttes tetta, mes Otsusse kuulutussen - Protokoll № .82. Johan Rattus minno wasta om wälja üttelnu, nink nimmelt kas sinna minno käest mõnni trahwi nõuudja ollet, ehk Otsusse kuulutaja, minna nõwwa enne weel sinno käest, kui minna trahwi allune olle temma wasta, sis woinu temma minno pääle kaibata, et Kohhus olles woinu sedda asja selletada, agga mitte, kui minna Kohtomoistmisse pääl, ja Kohto lawwa mann istu, minno trotsi. 

Kutsuti ette Johan Rattus, sai kaibus ette loetus, kes selle pääle ütles, minna olle küll halwaste üttelnu, se assi olli kolmeteistkümne  ajastaja est, kui temma trahwi allune olli, ent wõltsi keele läbbi, teggi Werro Maakohhus temma trahwist prii nink minnol om ikkes hädda kanda. 

Otsus   Kohhus moistis, selle et julges [ilm põhjata wanna asja pääle, nink kui Johan Rattus omma suu tunnistap ollewa Jaan Tullus tookõrd õiges arwatu] kohto moistjat Kohtomoistmisse pääl trotsida,  Massap Johan Rattus 6. rubla waeste laati trahwi, mes 8sa päiwa sissen peap ärra massetu ollema.  Sai kohtomoistminne ja § 772. nink 773 kohtun käüjal ette loetus. nink läts rahhun wälja. 

                                                          (Allkirri)