Sel 30 Oktobril 1889

Kaibas Tanni Johan Toom, et  Joha Kitzing ilma põhjata tenistusest ärra om lännu üts kõrd sõimanu ja wandunu Johan Kitzing teda keige wisi ilma põhjata ja lännu sis 8 Septembril s.a ärra, tema pidanu Kaderna päiwani tenima, suwe est pidanu 6 wakka rükki ja 6 wakka keswi palka sada, 3 wakka kartoflist maha pantu ja 1/3 linnu maha külwata, sest ollewat tema ärra sanu 2 wakka rükki jahu, 3 rubl raha ja ütte lamba andno tema 3 rubl est ja wõtnu weel 3½ wakka kartuflid, ka kartofli ja linna om Johan Kitzing kätte sanu, enegi linna semne om tema ärra wõtnu. Johan Toom nõudis asta palk tagasi, selle et Johan Kitzing ärra lännu.

 Johan Kitzing wastutas selle päle, et Johan Toom teda ärra om aijanu tema ei olle essi ärra lännu, temale sadanu wilja koorma sälga, kost tema haiguse sanu ja selleperrast om tema haige ollnu terwe nädal sis lännu tema jälle tenistusse ent sis ei olle Johan Toom teda wasto wõtnu enge üttelnu sinna olled minust lahti keda ka tõise kuldnu, need om Kusta Suntsus ja Peter Madison ja Peter Utter ja selle lamba andno Johan Toom temale poja mattuse päle ilma enegi lamba nahk pidanu tema tagasi andma ja Johan Toom söönu omma perrega mattuse aigo selle lamba ärra palka om Johan Toom õigeste ülles andno ja enegi 2 wakka rükki jahu ja rubl om tema sanu kartoflid ei olle Johan Toom ülles wõtta lasknu ja 3½ wakka kartoflid wõtnu tema seemnes, mis praegu maa sehen om.

Selle päle andis Johan Toom ülles, et Johan Kitzing wõtnu 1 rubl käeraha, 1 wak kartoflid peijete päle ja andis tüdruku tunistajas ülles ja ka Johan Luha.

Otsus: et Tani talllust  Kusta Suntsen,  Peter Madisson Karja Petta, 2 tüdrukut ja Johan Luha ette om kutsuta.

Päkohtumees: Jaan Wirro XXX

Kohtumees: Jaan Pruks /allkiri/

"  Jakob Saks /allkiri/