Et Tannil Lainel 27 ja 28 Januari wahel s.a. ööse aidast hulk rõiwid, 2 wakka rükki, 2 wakka jaho, 1 wak linassemnid ja 2 mõõto kaaro ärä om warastedu, sis arwab seda süüdi
Jaan Hindoala Jaan Jahu pääle, selle et seesama Tõisipäiwa õdago, sel 30. Januaril kella 9 aigo temä mano tulnu; kui temä Jahu käest küsinu,kos sa käwwet? wastutanu seesama:" Mina käwwe, Jaani mõisan ja lää nüüd ärä kodo." Arwata kella 11 aigo nakkanu Hindoala peni kurjaste haukma, kuna sis latse läbi akna kaema ja nännu, et üts inemine neide koa ümbre kõndnu, mispääle Hindoala sis latternaga tule wõtnu ja sanna manu kaema lännu. Kui ta sanna usse wallale lasknu, sis nännu et üts inemine olnu lawwale anomide taade tüknu, kui ta sedä olli nännu, sis käsknu temä naisel kirwest tuwwa. Selle pääle üttelnu sis Jaan Jahu, et temä ollew. Hindoala kutsnu sis Jahu tare mano ja käsknu sinna magama heita, mis seesama sis ka olli tennu. Tükki aja perast nakkanu jälle peni haukma. Hindoala kaenu läbi akna wälja ja nännu kats inemist oma hoonete ümbre kõndwat. Hommuku kui nema maast üles olliwa tulnu, sis nakkanu tema Jahu käest seda warguse asja nõudma, kelle pääle sis Jahu kostnu :" Et see wargus ollew mõtsa lume sisse maha pantu ja walge rõiwas ala laotedu." Kui Hindoala noist undrikist mõnda hendale olli käsknu tuwwa üttelnu jälle Jahu:" Ega ma siia ei wõi neid tuwwa sest siin nättas nemä ärä." Peräkõrd üttelnu Jahu, et tema sest wargusest midagi ei tea. Wiimati üttelnu, et tema õdago purjun om olnu, pakno Hindoalale 5 kop. ja üttelnu, et see seda temä juttu kellegile ei kõnele.
Jaan Jahu wastutas selle kaibduse pääle, et temä ollew purjun olnu ei ollew mõistnu enamb kodo minna ja selleperast lännu tema Hindoala sanna magama. Ütlep ka et temä ei teedwat sellest wargusest midagi weel wähemb ollew tema esi warastanu. Ei mäletawat mitte mis ta Hindolale om kõnelnu, selle et ta purjun olnu ja neist kattest tõisest mehest ei teedwat temä ka midagi.
Poolpäiwa käinu temä Leppäl, säält tulnu temä Warbus kõrtsi; kost ta Saksama tare mano sanna lännu ja säält omma kodo. Et Hindoala temäle wiina lubanu anda ja weel massa, selleperast ollew sis temä wist nii kostnu, kui Hindoala temä käest om küsinu.
Otsus: Et seda warguse asja Jaan Jahu pääle arwatas, ehk tedä sest asjast teedwat, sis jäeti teda siia kohtomaija wahi ala, seni kui asjo perrä kulleldas.
J. Tagel XXX
A. Org +++
G, Asi XXX
Kirjotaja Luik [allkiri]
Et Tannil Lainel 27 ja 28 Januari wahel s.a. ööse aidast hulk rõiwid, 2 wakka rükki, 2 wakka jaho, 1 wak linassemnid ja 2 mõõto kaaro ärä om warastedu, sis arwab seda süüdi
Jaan Hindoala Jaan Jahu pääle, selle et seesama Tõisipäiwa õdago, sel 30. Januaril kella 9 aigo temä mano tulnu; kui temä Jahu käest küsinu,kos sa käwwet? wastutanu seesama:" Mina käwwe, Jaani mõisan ja lää nüüd ärä kodo." Arwata kella 11 aigo nakkanu Hindoala peni kurjaste haukma, kuna sis latse läbi akna kaema ja nännu, et üts inemine neide koa ümbre kõndnu, mispääle Hindoala sis latternaga tule wõtnu ja sanna manu kaema lännu. Kui ta sanna usse wallale lasknu, sis nännu et üts inemine olnu lawwale anomide taade tüknu, kui ta sedä olli nännu, sis käsknu temä naisel kirwest tuwwa. Selle pääle üttelnu sis Jaan Jahu, et temä ollew. Hindoala kutsnu sis Jahu tare mano ja käsknu sinna magama heita, mis seesama sis ka olli tennu. Tükki aja perast nakkanu jälle peni haukma. Hindoala kaenu läbi akna wälja ja nännu kats inemist oma hoonete ümbre kõndwat. Hommuku kui nema maast üles olliwa tulnu, sis nakkanu tema Jahu käest seda warguse asja nõudma, kelle pääle sis Jahu kostnu :" Et see wargus ollew mõtsa lume sisse maha pantu ja walge rõiwas ala laotedu." Kui Hindoala noist undrikist mõnda hendale olli käsknu tuwwa üttelnu jälle Jahu:" Ega ma siia ei wõi neid tuwwa sest siin nättas nemä ärä." Peräkõrd üttelnu Jahu, et tema sest wargusest midagi ei tea. Wiimati üttelnu, et tema õdago purjun om olnu, pakno Hindoalale 5 kop. ja üttelnu, et see seda temä juttu kellegile ei kõnele.
Jaan Jahu wastutas selle kaibduse pääle, et temä ollew purjun olnu ei ollew mõistnu enamb kodo minna ja selleperast lännu tema Hindoala sanna magama. Ütlep ka et temä ei teedwat sellest wargusest midagi weel wähemb ollew tema esi warastanu. Ei mäletawat mitte mis ta Hindolale om kõnelnu, selle et ta purjun olnu ja neist kattest tõisest mehest ei teedwat temä ka midagi.
Poolpäiwa käinu temä Leppäl, säält tulnu temä Warbus kõrtsi; kost ta Saksama tare mano sanna lännu ja säält omma kodo. Et Hindoala temäle wiina lubanu anda ja weel massa, selleperast ollew sis temä wist nii kostnu, kui Hindoala temä käest om küsinu.
Otsus: Et seda warguse asja Jaan Jahu pääle arwatas, ehk tedä sest asjast teedwat, sis jäeti teda siia kohtomaija wahi ala, seni kui asjo perrä kulleldas.
J. Tagel XXX
A. Org +++
G, Asi XXX
Kirjotaja Luik [allkiri]
