Sel 6 Nowembril 1889.

Kaibas Dawit Mühli et tema Kessa pole tallo rentnik Peter Kilk sügissest renti 100 rubl kontrakti perra ärra ei massa ja pallus et kohus seda massma sunis.

Peter Kilk wastutas et tema se rent wõlgu om, ent tema ei wõi seda massa, selle et Dawit Muhli Kambert lubamisse perra ei olle ehitanu ja tema selleperrast koskile ellada ei olle sanu ja ei sa ka ellada.

Dawit Muhli ütles, et tema om lubanu 6 asta joksul ehitada ja mitte edimatsel astal ja ollewat Kessa tallon ellomaja Peter Kilkile näidanu, ent se ei olle kortina wasto wõtnu.

Peter Kilk ütles, et Dawit Muhli kül käsknu Kessa tallon ellada, ent seal ei olle ruumi ollnu ja tema ka rehe mant ärra minna ei wõinu ja Dawit Muhli lubanu just möda lännu suwel Kambre teha laske, ent ei olle seda täitnu, seda om kuldnu Märt Rästas ja Märt Klaos.

Kontrakt sai läbbi loetu, mis kinnitamada om, kos sehen ehitusest midagi ei seisa.

Märt Klaos tunistas, et Dawit Muhli ollewat kül lubanu Jaanipäiwaks 24 Junis se üts kambre rehe otsa ehitada kaske.

Otsus: et Märt Rästas ette om kutsuta.

Päkohtumees: Jaan Wirro XXX

Kohtumees: Jaan Pruks /allkiri/

"  Jakob Saks /allkiri/

"  Jaan Treijal /allkiri/