Jüri Järw tulli kohto ette ja kaibas, et temä ollew Jaan Sikkale 25 rbl. Walgesoo kõrtsi wõtmise pääle sisse pandnu ja mõtlemise aiga olnu 2 nädalid, kuna temä sis 4 päiwä enne Termini lõpmist J. Sikka poole lännu ütlema, et tema seda kottust wõtta ei taha ja tahtnu oma sisse pantu raha 25 Rbl. kätte, kedä aga J. Sik mitte ei ollew andnu. Pallep kog. kohut seda asja selletada.
Jaan Sik wastutas selle kaibduse pääle, et Jüri Järw om tema käest Walgesoo kõrtsi wõtnu 6 aasta pääle, ja ollew seda kottust käünu ka kaema, kui na tagasi tulnu, sis masnu J. Järw 25 Rbl. käeraha sisse ja tenno Kusta Soo'ga henne wahel leppingo, et kui na seda kottust ei wõtta, sis ka üle katte see sisse massetu raha kaotase; katte nädali perast lubanu nema /J. Järw ja K. Soo) terwe rendi 75 Rbl ärä massa, kuna tema ka neile sis lubanu Kontrahti kätte anda. Nädali perast tulnu Jüri Järw ja ütelnu, et neist kottuse wõtjat ei saawat, kelle pääle tema üttelnu: " Kui teist kottuse wõtjad ei saa, sis ei anna mina ka teie raha tagasi, selle et mul esi 75 Rbl. selle kottuse eest sisse om massetu.
Tõine kõrd tulnu Erastwere mehe ütten Jüri Järwega nelja, ehk wiiekeste sedä raha otsma ja joba wäe kaupa, kuna temä sis üttelnu: Kui mul 75 Rbl. tagasi massetas, ega mina sis teie 25 Rbl. ka ei keela. Nüüd aga ei luba midägi tagasi anda.
Kusta Soo wastutas, kui temäle kaibdus ette loeti, et Jüri Järw ollew Walgesoo kõrtsi maa ja tema Walgesoo kõrdsi wõtnu ja oles sedä kõrtsi ka wõtnu, kedä aga Jaan Sik nüüd mitte ei andwad. Nõuab oma raha ja waiwa tasomist.
Peeter Raamat tunnistas, et tema man om olnu ja kuulnu, kui Jüri Järw om pallelnu selle puuduwa rahaga kannatada ja üttelnu Kusta Soo'le, kui meie see 25 Rbl. peami kaotama, sis kaotami üle katte, kui meie mitte omma Termini ei saa pidada. Mõtlemise aiga ei ollew nema tahtnugi, muud kui pallelnu puuduwa rahaga 2 nädalid kannatada, et sis kõik raha 75 Rbl. ärä maswa. Jüri Järw ollew tähe kirjotanu, kohe kõrdsimees J. Sik oma nime ala ollew kirjotanu.
Kusta Künnarpää (Erastwerest) tunnistas, et temä om man olnu kui Jüri Järw oma raha J. Sikka käest lännu otsma, kuna sis Sik üttelnu, sedä raha ei saa sina mitte enne, kui ma mõne tõisele kõrdsi ärä ole andnu. Ütles et raha ollew mõtlemise aja pääle antus.
Aadam Aadel (Erastwerest) tunnistas et temä om kuulnu, et see raha ei ollew mitte walmi kauba, waid mõtlemise aja pääle antu ja ollew Sik lubanu seda raha tagasi anda, kui ta mõnele kõrtsi ärä saap anda.
Kaarli Zirkli (Korastest) tunnistas niisama kui Aadam Aadel.
Otsus: Et tunnistaja katte moodu tunnistase ja neil üttegi leppingo lehte ega tähte ette näidata ei ole, sis
Mõistse see kog. kohus, et see sisse massetu 25 Rbl. jääp Jaan Sikka hääs.
Kui kohtun käüjile kohtu otsus ja Sääduse §§ 773 ja 774 ette saiwa loetu, sis ütliwa Jüri Järw ja Kusta Soo, et nema selle otsusega rahul ei ole ja pallessiwa protocolli wälja, kuna neile sis ka Apellationi leht mõlembile, neide palwe pääle anti.
J. Tagel +++
A.Org +++
G. Kolk +++
Jüri Järw tulli kohto ette ja kaibas, et temä ollew Jaan Sikkale 25 rbl. Walgesoo kõrtsi wõtmise pääle sisse pandnu ja mõtlemise aiga olnu 2 nädalid, kuna temä sis 4 päiwä enne Termini lõpmist J. Sikka poole lännu ütlema, et tema seda kottust wõtta ei taha ja tahtnu oma sisse pantu raha 25 Rbl. kätte, kedä aga J. Sik mitte ei ollew andnu. Pallep kog. kohut seda asja selletada.
Jaan Sik wastutas selle kaibduse pääle, et Jüri Järw om tema käest Walgesoo kõrtsi wõtnu 6 aasta pääle, ja ollew seda kottust käünu ka kaema, kui na tagasi tulnu, sis masnu J. Järw 25 Rbl. käeraha sisse ja tenno Kusta Soo'ga henne wahel leppingo, et kui na seda kottust ei wõtta, sis ka üle katte see sisse massetu raha kaotase; katte nädali perast lubanu nema /J. Järw ja K. Soo) terwe rendi 75 Rbl ärä massa, kuna tema ka neile sis lubanu Kontrahti kätte anda. Nädali perast tulnu Jüri Järw ja ütelnu, et neist kottuse wõtjat ei saawat, kelle pääle tema üttelnu: " Kui teist kottuse wõtjad ei saa, sis ei anna mina ka teie raha tagasi, selle et mul esi 75 Rbl. selle kottuse eest sisse om massetu.
Tõine kõrd tulnu Erastwere mehe ütten Jüri Järwega nelja, ehk wiiekeste sedä raha otsma ja joba wäe kaupa, kuna temä sis üttelnu: Kui mul 75 Rbl. tagasi massetas, ega mina sis teie 25 Rbl. ka ei keela. Nüüd aga ei luba midägi tagasi anda.
Kusta Soo wastutas, kui temäle kaibdus ette loeti, et Jüri Järw ollew Walgesoo kõrtsi maa ja tema Walgesoo kõrdsi wõtnu ja oles sedä kõrtsi ka wõtnu, kedä aga Jaan Sik nüüd mitte ei andwad. Nõuab oma raha ja waiwa tasomist.
Peeter Raamat tunnistas, et tema man om olnu ja kuulnu, kui Jüri Järw om pallelnu selle puuduwa rahaga kannatada ja üttelnu Kusta Soo'le, kui meie see 25 Rbl. peami kaotama, sis kaotami üle katte, kui meie mitte omma Termini ei saa pidada. Mõtlemise aiga ei ollew nema tahtnugi, muud kui pallelnu puuduwa rahaga 2 nädalid kannatada, et sis kõik raha 75 Rbl. ärä maswa. Jüri Järw ollew tähe kirjotanu, kohe kõrdsimees J. Sik oma nime ala ollew kirjotanu.
Kusta Künnarpää (Erastwerest) tunnistas, et temä om man olnu kui Jüri Järw oma raha J. Sikka käest lännu otsma, kuna sis Sik üttelnu, sedä raha ei saa sina mitte enne, kui ma mõne tõisele kõrdsi ärä ole andnu. Ütles et raha ollew mõtlemise aja pääle antus.
Aadam Aadel (Erastwerest) tunnistas et temä om kuulnu, et see raha ei ollew mitte walmi kauba, waid mõtlemise aja pääle antu ja ollew Sik lubanu seda raha tagasi anda, kui ta mõnele kõrtsi ärä saap anda.
Kaarli Zirkli (Korastest) tunnistas niisama kui Aadam Aadel.
Otsus: Et tunnistaja katte moodu tunnistase ja neil üttegi leppingo lehte ega tähte ette näidata ei ole, sis
Mõistse see kog. kohus, et see sisse massetu 25 Rbl. jääp Jaan Sikka hääs.
Kui kohtun käüjile kohtu otsus ja Sääduse §§ 773 ja 774 ette saiwa loetu, sis ütliwa Jüri Järw ja Kusta Soo, et nema selle otsusega rahul ei ole ja pallessiwa protocolli wälja, kuna neile sis ka Apellationi leht mõlembile, neide palwe pääle anti.
J. Tagel +++
A.Org +++
G. Kolk +++
