Wiendalt    tulli ette Wallawannemb Michel Wõsso, ja andis Kohtole ülles, et Johan Wähk, hulgub ümbre, nink ei olle kelleki mann teenistussen, ei pea ka kelleki mann Korteri assend, ja wiimate ei tija kost Päärahha peap wälja tullema, nink pallel Kohhut, temma ülle üts nõuu piddada, ja tedda sundi, henda ütte põhjusse pääle jääda kost ka päärahha peap wälja tullema. 

Kutsuti ette Johan Wähk, sai wallawannemba kaibus ette loetus, kes selle pääle ütles, minna ei jõwwa teenida, sest minna olle häddalinne, ja pea Jaan Mark mann korterit. 

Otsus   Kohhus jättis nõuu piddamisse pääle, nink andis Johan Wähk´al kõwwa käsk henda est hoolt kanda, ja mitte ümbre hulkuda.  Selle kässuga sai ära lastus.

                                             Karraskij Kohtomajan sel 1el Octobril 1876.

                                                             Eenistja, Jaan Tullus  XXX

                                                            Mannistja, Jaan Leppason  XXX

                                                                   Abbi   , Jaan Lodus.  XXX