Teiselt tulli ette Johan Seeme ja kaibas kauba ehk Leppingo tähhe perra, et Johan Raig ollewa temmaga teenistusse kaup tennu, sel 19mal septembril s.a. nink piddanu teenma kunni 25.ma märtsini s.a. Palk olli leppitu 10. Rubla ja nüüd lännu 15.al oktobril s.a. Orriko Ladele ja jäänuki ärra, nink pallel kohhut tedda sundi, et teenistusse taggasi saassi. 

Kutsuti ette Johan Raig, sai kaibus ette loetus, kes selle pääle kauba ehk teenistusse küll tennu ollewat, ent perremees ei ollewat talwe Reiwit andnu, selle perrast lännu ärra, ja ütles weel, egga minna henda es woi ärra külmata, n: n: e:

Otsus   Kohhus moistis, selle et Johan Raig, Kewwadest saadik jo kolmandama perremehhe om mahha jätnu, saap temma 10me kibbedat witsa lööki, nink peap jalla päält Johan Seeme mannu taggasi minnema, ja illosaste omma leppitu aig sõnnakuulmissen wälja teenima nink perremehhel sai ütteldus, et Söök, ja Reiwas peap Säädüsselik teendrel andma.  Sai kohtomoistminne ja § 772. n: 773. kohton käuujattelle ette loetus, nink Johan Raig ärra trahwitus, nink nida lätsiwa rahhun wälja. 

                                    Karraskij Kohtomajan sel 5al Nowembril 1876.

                                                                  Eenistja, Jaan Tullus  XXX

                                                                  Mannistja, Jakob Uibo  XXX

                                                                   Mannistja, Jaan Leppason  XXX