Wiendalt tulli ette Johan Uibo, ja kaibas et ollewa Johan Kuhhi käest ikkes se wiis rubla saamata mes jo üts olli moistetu ärra massa.  ja pallel kohhut, tedda sundi et ärra massas. 

Kutsuti ette Johan Kuhhi, sai kaibus ette loetus, kes selle pääle ütles, et mitte, wiis, enge kolm rubla olle minna temmal wõlgo, sedda woiwa tunnistada, Johan Raig, nink wallawannemb Michel Wõsso, et Johan Uibo, kats rubla om mahha jättnu. 

Kutsuti ette tunnistaja Abbi kohtomees Johan Raig, kes küssimisse pääle wälja ütles, henda kuuldnu ollewat et Johan Uibo üttelnu, massa minnol kolma rubla ärra, minna jätta sulle kats rubla mahha, mes est Johan Uibo, Johan Kuhhi´l se kats mahha jättis, sedda ei wõi minna mitte üttelda. 

Kutsuti ette teine tunnistaja Wallawannemb Michel Wõsso, kes nisamma ütles kuuldnu ollewat, kui Johan Raig, nink ütles õige ollewat et, Johan Uibo, om kats rubla mahha jättnu. 

Otsus  Kohhus moistis tunnistusse perra, Johan Kuhhi peap se kolm rubla, Johan Uibo´l, 8 päiwa sissen wistist ärra ma.  Sai kohtomoistminne ja § 772 n. 773. kohtun käijatelle ette loetus, nink lätsiwa sõnna lausumatta wälja. 

     Karraskij Kohtomajan sel 3.al Dezembril 1876.

     Eenistja, Jaan Tullus.  XXX

      Mannistja, Jakob Uibo.  XXX

            do   , Abbi, Johan Raig  XXX