Kohto ette tulli Peeter Asi ja kaibas, et mõisarahwas ollew  ommi tsikkoga temä keswä rõugo ärä söötnu. Nimelt ollew temä esi nännu, kui mõisawalitseja  tütrik ollew 2 tsikka temä rõugu päält ärä ajanu. Nõuab 3 wakka keswi kahjo tasumises.

Mõisawalitseja S. Rõigas wastutas selle kaibduse pääle, et temä ei ollew ommi tsikko mitte selle rõugo pääl ollew nännu. Ollew nännu kül selle rõugu pääl tsikko ollew, aga ei teedwat kelle tsea nee olnu.

Mari Herne ütles, et temä ei ollew kellegi tsikko rõugo pääl nännu.

Mari Prügü ütles, niisama kui Mari Herne, et kedagi ei ole nännu.

Sohwe Korjus tunnistas niisama kui Mari Herne ja Mari Prügü.

Sohwe Aijo tunnistas niisama kui endise tunnistaja.

Liiso Künnarpuu tunnistas, et temä nännu ei ole kelle tsea rõugu pääl omma olnu.

Otsus: Kohto mõistmine jääs tõises kohto päiwas, selle et walitseja tütrik  Mari Hindoala kohto ette ei ole tulnu, kuna seesama sis tõisel kohtopäiwäl üle saap kulleldu ja kohto otsus kuulutedu.

J. Tagel xx

A. Org xxx

G. Kolk +++

Kirjotaja Luik [allkiri]