Hindrik Heik kaibduse asjan Mari Heik wasto sõimamise ja teenistusest ärä ajamise perast (wide № 53) olliwa täämba kohto ette tulnu tunnistajas:

Matli Jahu tunnistas, kui temäle kaibdus ette loeti, et nee lina ollew kül liig küttetu olnu, niisama ollew temä ka neid linno nänno mida Hindrik 15 naela warastanu ollew, ei ollew mitte esi nännu,et Hindrik nee 15 naela linno warastanu waid aga Mari üttelnu nii ollew ja näidanu temäle, söögi eest ärä wõtmisest ja ärä ajamisest ei teedwad midagi.

Mari Lill tunnistas, et Hindrik ollew kül linno wäega kõwaste kütnu ja ollew ka perenaise linno warastanu, kedä ta selgeste nännü. Ollew ka nännu kui perenaine söögi eest ärä wõtnu, selle et Hindrik linno ollew warastanu ja midagi tööd ei tahtwad tettä. Hindrik ollew ütelnu, kui söök ärä wõetu, et temä lät ärä, kelle pääle sis ka perenaine üttelnu: "MIne pääle kui sa tahat."

Otsus: Et kats tunnistajat Aadam Asi ja Mari Taaler haige ollew, sis ei wõi kogokonna kohto otsust mitte enne kuulutada, kui nee ka kohto ette omma tulnu. Hindrik peap aga oma perenaise mano tagasi minema ja ilosaste sõna kuulma, kuni kohto otsus saap kuulutedu.

J. Tagel XXX

A. Org XXX

Kirjutaja Luik [allkiri]