Thomas Hörberg kaibas kohto et temmä om ostno Andres Loritse käest ütte Lehmä 15 Rubla eest Andres Loritz om üttelno et se Lehm om terwe, agga kui se Lehm om koddo sanod todo om koddon Leidnowa et hambid ei olle sel Lehmäl suun olno, ja Thomas om selle Lehmä taggasi wino    päiwä perrast ja Andres Loritz ei keik rahha ärrä andno enge om 5 Rubla sest Lehmä eest masseto rahhast sissi jätno, ja Thomas pallub nüüd et Andres temmäl se 5 Rubla rahha ärrä peab masma.

Andres Loritz üttel, et temmä om terwe Lehmä münod, ja et Thomas om tee pääl Lehmä hambat suust ärrä laskno pessa. Ja et Thomas om issi seddä Lehmä lauta wino ja et temmä mitte seddä 5 Rubla ennämb ärrä ei massa.

Läsk Minä Munski tunnistas: nänno et sis kui se Lehm om Andres Loritze poolt todo, om hambat suust jo ärrä olno, Sikka Jani naine om Lehmä su wallale wõtno.

Kohhus mõistis, et Thomas Hörberg peab 1 Rubla selle eest Andres Loritzel masma, et temmä ommi rummalaste ostno, ja issi ei olle kaeno, ja 4 Rubla 40 kop peab Andres Loritz wäljä masma.

§701 om ette kulutedo

Pä kohtomees Jaan Holsting

Kohtomees Jakob Türkson

Kohtomees Paap Kress

Kohtomees ​​​​Rein Lambing

Kohtomees Gustaw Tolmusk

Kohtomees Kristjan Rusand