Peter Kirjutus kaibas kohto een, et temmä om ostno Paap Kristilsi kaest tadre 8 Rubla eest ja tahhab nüüd seddä rahha wäljä massa, ja tarre ärrä wõtta kaup om tetto 1870 aastal ja 4 Rubla om ärrä masseto olno mis Petre wõlla eest kohto polest Pabo käest ärrä om wõeto.

Paap Kristils üttel, et kaup olli 8 Rubla päle tetto maja eest massa.

Gustaw Wössoberg tunnistas, et Paap Kristils om tahtno tarre ärrä müwwä ja kui Peter Kirjutus om osta tahtno om Paap küssinu Gustawi murro pääl 10 Rubla, ja perräst om kaupa 8 Rubla päle Petregä ärrä tenno, Ja kui kaup walmis om tetto, om Gustaw Petre eest 4 Rubla andno, selle tarre eest Paap Kristilsil Ja Lepiing om ni jänud, kui Peter Pabo naist sääl tarren ei tahha laske ellädä, sis massap 4 Rubla perrä ja tarre jääs Petrel

Paap Kristils ei tahha nüüd tarre müwwä ja tahhab et temmä naine ka tarre ellämä jääs.

Kohhus mõistis tarre poles, et Peter Kirjutus peab 4 Rubla jälle Paap Kristilsil ärrä masma, ja teise 4 Rubla eest jääs pool õigust Paap Kristilsi naisel ellädä.

parrandaminne jääs ka sääl tarremann poles tettä.