Weel tulli ette Ehhamarro kõrtsimees Peter Dulder sel sammal päiwal ja kaibas et Kõppi perremees Johann Mandli ollewat kõrtsi hakko üts hunnik kos arwata 4 koormat olles saano, ärra warrastanno ja nõuudis tolle eest  - 4 rubla ehk toogo 4 koormat hakko taggasi ommast usaijast. 

Kutsoti ette Johann Mandli sai üllewanne kaibus ette loetus tolle pääle utles Johann too om küll õige et olleme too üts hunnik hakko kogemada ärra weddano sest minno haggo olli ka sääl samman talwe aigo ei sa ka mitte õiget arro kelle kokko panto too olli minna palle sedda wäikest essingot mulle andis anda. 

Otsus  Kohhos mõistis et Johann Mandli peap tolle haggo unniko ärra weddamisse eest 1 rubla Peter Dulderil walja masma. 

Sai kohto Otsus ja § 772 n 773 kohton käiadelle ette loetus nink lätsiwa mõllemba rahhon wälja.

               Karrasky Kohtomajan sel 31 detsembril 1876

               Pääkohtomees  Jaan Tullos  XXX

               Kohtomees  Jakob Uibo  XXX

          teine        do       Jaan Leppason  XXX