Aadam Jahu tulli kohto ette ja pallel kogokonna kohtu, et seesama Juhan Kuhja sunnis seda weel temäle masmata eestmineki raha 40 Rbl. ärä massa, mis Joh.Kuhi esi massa ei tahtwat.

Johan Kuhi wastutas selle kaibduse pääle, et temä seda raha 40 Rbl. selleperäst mitte massa ei taha, et Aadam Jahu warguse wiisil säält majast olgi ollew ärä weenu ja et temäl 3 wakkaala rükkä puudus ollew, mida Aadam Jahu tegemata ollew jätnu.

Mihkli Wisnapuu, keda Johan Kuhi tunnistajas olli andnu, üttel et temä muud olgi ei tiia ollew wiinu kui 26 kubu, keda Aadam Jahu Kusta Jahu käest ollew lainanu ja Juhan Kuhja teedmise ja lubaga tagasi masnu.

Otsus: 

Johan Kuhi peap Aadam Jahule see 40 Rbl. 8 päiwä sisen wälja masma, kui ta midagi selle wahe aja sisen ette ei wõi tuwwa kellega tema sellest rahast kinni wõip pidada.

Kui kogokonna kohtootsus  Sääduse §§ 773 ja 774 ette saiwa loetu, sis üttel Joh. Kuhi, et temä selle otsusega rahul ei ole ja pallel opuse lehte wälja, mis temäle ka lubati.

Joh. Pähn xxx

Joh. Purasson xxx

Mihkli Laine xxx