Ette tulli Mari Kirn /mansaisja Jüri Asi/ ja kaibas, et temä perremees tulnu Eespäiwä õdago liinast kodu, olnu purjun ja nakkanu tedä wäega sõimama, Põlluste walla sandis ja ja muu sõimusõnadega, temä aga ei ollew midagi wasto üttelnu. Tõisel hummogul küsinu temä oma peremehe käest, kas ta temäl lubab ärä minna, kuna temä peremees sis ei ollew midagi üttelnu ja käsknu temäl mõisahe minnä linno rabama, temä aga ütelnu peremehele, et ta ei wõiwat linno rabada selle, et temä 3 nädalit ollew haige olnu pääle selle kui ta kerikun saanu ärä rabatus.

Lännu sis oma perremehe mant ärä selle et see temäle kotton tööd ei ole andnu.

Jaan Tagel wastutas selle kaibduse pääle, kui temäle see ette sai loetu, et temä ei ollew mitte omma tütriko ärä ajanu, kui tütrik tahtnu ärä minna, sis üttelnu temä sellesamale: ega nüüd Kapst-Maarja päiw ei ole, et ma sulle palga pea wälja masma ja lubab teda tagasi wõtta kui ta tulep ja kui ta teeni wõip, es luppa aga mitte temäle sedä palka massa, mis leppitu, selle et tütrik mitte enamb teeni ei wõiwat. 15 Rbl. palka ollew temä juba tütrikule kätte masnu ja 1 Rbl. käe raha.

Mõlemba kohtun käüja lepsewa sellega kokko, et peremees Jaan Tagel massap weel tütrikule 10 Rbl. ja tütrik lät teenma, kos temä taht.

Joh. Purasson xxx

Mihkli Laine xxx

Gusta Asi xx