Ette tulli Hurmi mõisa walitseja S. Rõigas ja kaibas, et Johan Teri ollew temä pääle üte wõlsjutu wälja laotanu, nii kui oles temä ilma mõisa herrä luba ja teedmata 1 wakamaa linamaad Mihkli Lainele andnu, niisama ollew J. Teri ka kõnelnu, et mõisa-walitseja Mihkli Lainele weel 2 wakaala keswamaad ja 2 wakaala ristikhaina maad ilma lubata ollew andnu. Pallep et kogokonna kohus Johan Teri selle tühja ja wõlsjutu wäljalaotamise eest wastutamise ja trahwi ala wõtas panda.
Johan Teri kutsuti kohto ette ja kui temäle kaibdus ette sai loetu, wastutas seesama, et Hindrik Ajo ollew temäle ütelnu, et mõisawalitseja ollew Mihkli Lainele linamaad rohkemb andnu, kui õigus anda oles olnu, keswamaa ei ollew mite üle arwu antu waid aga ümbre wahetadu ja säält antu, kost M. Laine oli tahtnu, seda ollew Peeter Naaber temäle kõnelnu. Peeter Naaber ollew temäle ka ütelnu, et M. Laine ollew 4 wakala wastset ristikhaina tennu kuna temä ennegi ütte aino wakala ollew saanu.
Hindrik Ajo kutsuti kohto ette ja kui temäle kaibdus ette loeti ja ka Joh. Teri wastutamine, ütles seesama, et tema sedä ollew ilma päält kuulu et mõisawalitseja Mihkli Lainele rohkemb linamaad ollew andnu kui õigus anda oles olnu, ei ütle mitte mäletawat kas tema Joh. Terile seda om ütlenu, ehk mitte.
Peeter Naaber wastutas mõisawalitseja ja Joh. Teri üteluste pääle, kui see temale ette sai loetu, et temä ei ollew Joh. Terile muud ütelnu kui sedä et Mihkli Lainele ollew keswä postiwahe ümbre wahetedu ja niisama ollew ka Mihkli Laine 4 wakala wastset ristikhaina antu, mida tema aga es teedwat kas see õiguse wiisi om antu, ehk üle kohtusel wiisil. Sellepääle ütelnu Joh. Teri temäle:"Kuis sina sis seda ei tea kuna sina ommeti mõisan elat ja mina kawwen weermätsen maan tea ometi seda."
Mihkli Laine wastutas nende eenolewate üteluste pääle, kui nee temäle ette saiwa loetu, et linamaad ei ollew temä suguki rohkemb saanu kui õigus saada olli; keswä postiwahe ei ollew mitte walitseja S. Rõigas temäle ümbre wahetanu, waid hopman R. Hörman, kellel selle tarwis õigus ja luba om olnu seda ümbre wahetada. Ristikhaina ei ollew temä enämb saanu kui 4 wakkamaa, kellest tema 2 wakamaad herräle ollew tennu ja 2 wakamaad herrä oma lubaga temäle ollew jäänu.
Perast seda kui kõik suu suud wasto kohto ette kutsuti sis tunnistiwa Peeter Naaber ja Hindrik Ajo, et nemä sedä juttu kül olliwa wälja laotanu.
Kui kohtun käüjate wahel mite lepitust es saa, sis tegi kogokonna kohus
Otsuses:
Peeter Naaber ja Hindrik Ajo saawa selle wõlsjutu wäljalaotamise eest kumbgi 24 tunni wangistamise trahwiga trahwitus ja Joh. Teri jääp süüst prii selle et temä sedä muile ei ole kõnelnu, kui mõisa walitseja hendale.
Kui kogokonna kohtu otsus ja Sääduse §§ 773 ja 774 kohton käüjile ette saiwa loetu sis olliwa tõise kohtun käüja kõik selle otsusega rahu., muudkui Peeter Naaber palles mõtlemise aiga.
Joh. Pähn XXX
Joh. Purasson XXX
Jaan Narusk XXX
Ette tulli Hurmi mõisa walitseja S. Rõigas ja kaibas, et Johan Teri ollew temä pääle üte wõlsjutu wälja laotanu, nii kui oles temä ilma mõisa herrä luba ja teedmata 1 wakamaa linamaad Mihkli Lainele andnu, niisama ollew J. Teri ka kõnelnu, et mõisa-walitseja Mihkli Lainele weel 2 wakaala keswamaad ja 2 wakaala ristikhaina maad ilma lubata ollew andnu. Pallep et kogokonna kohus Johan Teri selle tühja ja wõlsjutu wäljalaotamise eest wastutamise ja trahwi ala wõtas panda.
Johan Teri kutsuti kohto ette ja kui temäle kaibdus ette sai loetu, wastutas seesama, et Hindrik Ajo ollew temäle ütelnu, et mõisawalitseja ollew Mihkli Lainele linamaad rohkemb andnu, kui õigus anda oles olnu, keswamaa ei ollew mite üle arwu antu waid aga ümbre wahetadu ja säält antu, kost M. Laine oli tahtnu, seda ollew Peeter Naaber temäle kõnelnu. Peeter Naaber ollew temäle ka ütelnu, et M. Laine ollew 4 wakala wastset ristikhaina tennu kuna temä ennegi ütte aino wakala ollew saanu.
Hindrik Ajo kutsuti kohto ette ja kui temäle kaibdus ette loeti ja ka Joh. Teri wastutamine, ütles seesama, et tema sedä ollew ilma päält kuulu et mõisawalitseja Mihkli Lainele rohkemb linamaad ollew andnu kui õigus anda oles olnu, ei ütle mitte mäletawat kas tema Joh. Terile seda om ütlenu, ehk mitte.
Peeter Naaber wastutas mõisawalitseja ja Joh. Teri üteluste pääle, kui see temale ette sai loetu, et temä ei ollew Joh. Terile muud ütelnu kui sedä et Mihkli Lainele ollew keswä postiwahe ümbre wahetedu ja niisama ollew ka Mihkli Laine 4 wakala wastset ristikhaina antu, mida tema aga es teedwat kas see õiguse wiisi om antu, ehk üle kohtusel wiisil. Sellepääle ütelnu Joh. Teri temäle:"Kuis sina sis seda ei tea kuna sina ommeti mõisan elat ja mina kawwen weermätsen maan tea ometi seda."
Mihkli Laine wastutas nende eenolewate üteluste pääle, kui nee temäle ette saiwa loetu, et linamaad ei ollew temä suguki rohkemb saanu kui õigus saada olli; keswä postiwahe ei ollew mitte walitseja S. Rõigas temäle ümbre wahetanu, waid hopman R. Hörman, kellel selle tarwis õigus ja luba om olnu seda ümbre wahetada. Ristikhaina ei ollew temä enämb saanu kui 4 wakkamaa, kellest tema 2 wakamaad herräle ollew tennu ja 2 wakamaad herrä oma lubaga temäle ollew jäänu.
Perast seda kui kõik suu suud wasto kohto ette kutsuti sis tunnistiwa Peeter Naaber ja Hindrik Ajo, et nemä sedä juttu kül olliwa wälja laotanu.
Kui kohtun käüjate wahel mite lepitust es saa, sis tegi kogokonna kohus
Otsuses:
Peeter Naaber ja Hindrik Ajo saawa selle wõlsjutu wäljalaotamise eest kumbgi 24 tunni wangistamise trahwiga trahwitus ja Joh. Teri jääp süüst prii selle et temä sedä muile ei ole kõnelnu, kui mõisa walitseja hendale.
Kui kogokonna kohtu otsus ja Sääduse §§ 773 ja 774 kohton käüjile ette saiwa loetu sis olliwa tõise kohtun käüja kõik selle otsusega rahu., muudkui Peeter Naaber palles mõtlemise aiga.
Joh. Pähn XXX
Joh. Purasson XXX
Jaan Narusk XXX
