Tulli ette Anne Kanzler temma Wöölmünder Johann Kanzler ja kaibas et pühhapäiwa sel 23 januaril s.a. arwata kesk ööse tullowa Mäe Jusa tallo 3 meest, üts oll Joheann Mandli teine Johann Waltsoon, kolmandat es tea temma üttelda kes ta om olno, sest üts küll neide seast wõtno tikkoga tulle ülles ent teine kistotanno rutto ärra, nink sis om üts sängi tulno Ann Kanzler manno tõmmano latse rinna otsast ärra, käskno, anna mulle üts wäikenne kõrd, sis ostan ma sulle üts rätt lahkno temma amme jakko ja undriko obis katski, ja kiskno Anne Kanzler kinso werritses, agga kes ta om olno, ei wõi minna mitte üttelda sest tarre olli pimme, tolle henda kiskmisse eest nõwwan minna 15 Rubla küll nemma essi teedwa kes too kolmas om olno. 

Kutsoti ette Johann Mandli sai üllewanne kaibus ette loetus kes selle pääle ütles meie ollime pühhapäiwa õdango Ehamarro kõrtsin, sääl olli ka Michel Kerner Jusamaja perremees saime jutto pääle, minna küsse mes sa wõttat kui meid koddo wiet Tiggase tallo, korter wiena olle wastus, sis tullime konni Mäe Juusa talloni Michel Kärner läts tarre,  et meie ka mitte wäljan es tahha oota, lätsi minna ja Johann Waltsoon nink Johann Wähk olli too kolmas ka sisse, wõip olla et Johann Wähk tedda kietsotas agga minna tedda küll es putto, es lähha me ka mitte tolle pääle kambrehe.  

Kutsoti ette Johann Waltsoon sai kaibus ette loetus kes nida samma ütles kui Johann Mandli olli tunnistanno ja ütles weel et Johann Wähk olli küll tedda kitsotas ennegi assi es olle mitte ni suur kui nüüd sures tetto too om ennambast kiik wõls. 

Tulli kohto ette kodapolik Leeno Mürsep temma Wöölmünder Märt Mürsep kes ütles, kui Ann Kanzler appi tännitas, sis tulli minna sängist wälja ja nakkasi todda meest Anne päält ärra kiskma, sis lööno Johann Waltsoon tälle 2 kõrd pengika pähha tolle eest nõudis 3 rubla kummagi löögi päält, ja ütles weel tuld es sa mitte ülles wõetus es tija kos tikko olliwa õdango jääno, päälegi olli ka wäega ärra heitinno, Märt Mürsep ütles omma naise kõnne õige ollewat. 

Kaibus jäije tõise kohto päiwa pääle selletada selle et Johann Wähk es olle kohtohe tallitet. 

Protokoll kohto saadeto noudmisse pääle sel 11. april 77. 

Karrasky Kohtomajan sel 28 januaril 1877

                                                    Pääkohtomees Jaan Tullos

                                                         Kohtomees   Jakop Uibo

                                                   teine    do           Jaan Leppason